開台祖流的汗水落泥會生根

〈客語詩〉 ■陳寧貴
萬巒仙人井傳奇

臨暗紅紅介日頭
跌落西片田坵
阿富哥捷捷
去尋轉唔見忒介牛隻
突然間
佢聽到水聲
清清涼涼流入佢心肝底肚
行兼一看
五隻牛仔同大管緊噴介泉水
共下歡歡喜喜佇介搞生趣

阿富哥三步併一步歸去
蓋像分麼介鬼怪煞到
大聲小聲喔喔喊
一隻耳公穿過一隻耳公
一庄嘴傳過一庄嘴
鄉親相爭背鑊擎掘頭
尖來尖去該地跡開墾

有水唔驚日頭剌
汗水落泥會生根
總有一日同田坵介禾仔共樣
種滿者介大地

〈附記〉
傳說中的仙人井在萬巒萬和村李氏宗祠旁。
它原為一口活泉，乃兩百多年前某日被失蹤的牛群所發現。