客語資訊檔案

(客語) ★苗栗腔無資格講佢係〝四縣腔〞个代表話語！★陳潮信

教育部臺灣客家語常用辭典同北部苗栗腔準做〝四縣腔〞看待(可能係北部苗栗客家大老教授編輯霸權心態)，南部六堆腔喊做〝南四縣腔〞，涯認為苗栗腔無資格講佢係〝四縣腔〞个代表話語，六堆腔正有資格講佢係〝四縣腔〞代表，仰仔講呢？

1.苗栗腔講:當(dongˊ)好(華語:很好)，六堆腔講:蓋(goi)好，查一下中國客家各地區毋識聽講:當(dongˊ)好(華語:很好)，梅州地區就有講::括(guad)好(華語:很好),同六堆話:蓋(goi)好，蓋相像。可能係:括(guad)好(華語:很好)演變來个！

2.苗栗腔講:涯兜(deuˊ)、你兜、佢兜，六堆腔講:涯等(我們)(denˊ、nenˊ)、你等(你們)、佢等(他們)，同中國客家各地區个講法共樣！

3.苗栗講:恁仔細(anˋ ziiˋ se)-華語:謝謝，六堆講:多謝(doˊqia)，同中國各地个:多謝(doˊqia)！共樣。

4.苗栗講:敗勢 (paiˇ se)，華語:　不好意思、對不起。表示過意不去，六堆講:壞勢(faiˋ se)同中國各地个講法，苗栗講:敗勢 (paiˇ se)可能借自福佬話？

5.苗栗講:看看(kon kon)-華語:看看，六堆講:看哪識(kon naˇ siidˋ)，六堆同中國梅州各縣个講法！

6.苗栗講:想到(xiongˋ do),華語:想到，六堆講:愐到(menˋ do)同中國梅州各縣个講法！

7.苗栗講:較多(ka doˊ)-華語:較多，較(ka)可能受到福佬話个影響，六堆講:過多(go doˊ)同中國梅州各縣个講法！

8.苗栗講:摎(lauˊ)-華語:與、和、跟，六堆講:同(tungˇ)同中國梅州各縣个講法共樣！

以上大概寫出證明苗栗腔毋係中國四縣腔个代表，顛倒六堆有過多話語同中國四縣腔過相像！