客語●起屋

●起屋

阿爸恁多日盡恬靜，同佢講話愛應毋應，毋知佢心肚愐麼个。有一日看到阿爸去田坵，佢左看看右睞睞，又拿索仔在地泥項測量。第二日有貨車，載红磚砂石同紅毛泥來屋家，這下正知阿爸愛在田坵起屋。再過兩日看到阿爸硬程身影，戴等笠麻在田坵挖地基，日頭在天頂看佢煞猛做事。一日後開始叠红磚，用紅毛泥砂石漿黏等，一吋一吋，向阿爸个想望頂高緊跋。到裡尾會係仰般一間屋？我愐，在裡肚定著會囥淰淰阿爸甜滋滋个秘密。