六堆詩路啟用典禮記者會

分享客家藝文新訊息

萬巒妹仔無便宜

●若琳江（羅秀玲）

在六堆客家文化園區

捱个拙作 #喚 ，攝於六堆客家文化園區个客家詩路。109年12月11拜三六堆文化園區--客家詩路開幕，歡迎大家指教。

捱 #萬巒 捱驕傲，六堆俗話講： #萬巒妹仔無便宜 ，對客語文學，捱還會自我精進个，承蒙大家。寫客語文學算啊23年，愛學習个還有蓋多，感謝阿婆、爺哀教捱優美个客家話，乜感謝吾友 #ajoku ,係無認識佢，捱正會開始行入客語文學，多謝。

一路里來，各位先生、朋友个相惜照顧，捱在這位講，恁仔細。

拜五朝晨歸來南部，#徐儀錦 先生分捱一個驚喜，帶捱去看 #六堆文化園區客家詩路 （底肚有杜潘芳格、劉慧真、陳寧貴、羅浪、羅思容、邱一帆、張芳慈、葉日松、黃恆秋、林生祥、陳黎、鍾永豐、呂金守、利玉芳、涂敏恆、葉國居、湯運煥、謝宇威、陳永淘、羅秀玲等客家作品，大家做得點入來），吾作品 #喚 在詩牆頂項，看著盡感動，乜流目汁哩，因為盡想同吾婆講：阿婆，捱做著了，但係捱已等想您。從細，捱跈佢看 #鄉親鄉情，這兜記憶，捱還記得。下晝，在 #家樂檸檬 ，這係一家有機無sa藥仔種植个檸檬小店，一個機緣同萬巒个朋友討論萬巒庄个未來想像，捱期待，大家煞猛打拼，打造無共樣个 #萬巒（先鋒堆），萬巒毋係單淨豬卡定定，佢其實有盡濃个鄉土民情。

●最新六堆客家消息

屏東六堆客家園區

建立客家風味詩路

詩路啟用典禮記者會

會後請來賞遊客家詩路

108年12月11日（星期三）

上午11：00