陳寧貴\恁早就講恁早（客語）

這係真實个故事。有一個六堆客家村，蓋多後生討外籍新娘，客家村就恁樣分人笑做聯合國。毋過隔壁介老伯母下把﹝有時候﹞會同別儕噥﹝抱怨﹞伊介外籍薪臼（媳婦）：真夭壽喔，一大早就罵我孤耄（高毛）人﹝壞蛋﹞。到裡尾有毋驚死介人出頭為老伯母打抱不平，就去同這忒超過介外籍薪臼（媳婦）講：汝仰會同大人儕恁無禮貌呢，毋驚分雷公槓死嘎？外籍薪臼（媳婦）回話：我仰敢對大人儕恁無禮貌，我朝晨頭同我介家娘講介係good  morning  啊。老伯母這下正知誤會一場，毋過伊還係愐毋解世間上仰會有恁壞聽介話，恁早就講恁早，仰會講著變做孤耄（高毛）人。