陳金順詩集《一欉文學樹》新書發表會」紀錄

《台文戰線》大眾文學講座八月場
「陳金順詩集《一欉文學樹》新書發表會」紀錄


講者：詩人陳金順

時間：2009/8/1 (六)　19:00 ~ 21:00
地點：大芳文化廣場
　　　高雄市美術南三路82號
主辦單位：台文戰線雜誌社
協辦單位：大芳生鮮超市

紀錄者：胡長松


　　陳金順的《一欉文學樹》的新冊發表會佇8/1暗順利完成，眾文友佮讀者有精彩的分享。我佇遮簡單紀錄。
　　本社社長方耀乾踏話頭紹介陳金順兄用母語從事文學創作、運動已經超過15年，《一欉文學冊》是伊的第四本冊，是伊詮釋土地、歷史的方式。陳金順講《一欉文學樹》是四本冊內面唯一有計劃的寫作，這款計畫性的寫作是個人的訓練，感覺袂歹。申請國藝會的補助是直接的動機，真正欲寫人物詩卻是位《珊瑚潭之戀》就開始，伊認為只要對台灣有貢獻，值得個人學習，就會去寫，限佇時間氣力，先寫40位，以後有機會會閣繼續。另外，大多數的人講「蓋棺論定」，毋過伊個人認為無一定愛等到彼時，活人值得學習，嘛會使緊來寫，所以，伊佇序文講遮的詩是「毋是死人骨頭的人物詩」。
　　續落，陳金順簡介伊所列的這10首選詩：〈彩虹〉（魏德聖）、〈珊瑚潭之戀〉（八田與一）、〈夯旗拽風勢〉（黃石輝）、〈青春碰壁〉（簡國賢）、〈寶島詩星〉（葉俊麟）、〈再會陳雷〉（陳雷）、〈目屎規牛車〉（王禎和）、〈胡厝寮15號〉（胡民祥）、〈番仔火枝〉（鄭南榕）、〈九層嶺的胭脂葉〉（萬淑娟）；佇講座內面，伊家己朗讀〈彩虹〉、〈九層嶺的胭脂葉〉、〈番仔火枝〉等幾首。
　　眾文友嘛出來分享對詩集的看法。
　　胡長松是位台灣人的自我圖像來理解陳金順的詩，伊認為咱的台灣文學需要為台灣人建立好的自我圖像，親像陳金順這款詩就是有按呢的正面的意義，詩集內面的40首詩會使反映出健康、有氣力的台灣自我。伊嘛用弗萊的原型理論，來解說陳金順的詩內面的傳奇色彩。續落，胡長松佇現場嘛唸〈胡厝寮15號〉來鬥鬧熱。
　　陳秋白舉書寫林江邁的作品＜逐年＞做例，解剖本詩文字真白，用平常的口氣，寫出林江邁死去靈魂的不安，是對歷史的「隱喻」。陳金順無寫任何一位一般的人底講的外省人，陳秋白認為佇陳金順的心內應該佮伊仝款，認定台灣猶佇殖民的階段－－因為台灣雖然表面自由，毋過猶用中華民國流亡政府的名，這個流亡政府無經過這塊土地人民的認同，只是用佔領、強迫教育的方式來予人接受。《一欉文學樹》藉遮人物成做台灣人共同圖像、精神的象徵，透過人物來表現作者心內的台灣圖像、情感，是整個這本冊的寫作策略。
　　張德本呵咾陳金順人直、有硬氣，是典型的平埔個性，伊補充講，平埔人的心正直、外表硬氣、內心溫柔，就佮陳金順仝款。伊藉陳金順的〈九層嶺的胭脂葉〉講著台灣強欲消失去的平埔文化佮咱愛維護仝款弱勢的台語／台語文學的重要。伊嘛用詩集所寫著的朱一貴、林爽文做例，講著台灣人羅漢腳的命運原型，批判台北文壇、台北馬政權無致重台灣歷史的惡質面，甚至位各文化政策、資源橫柴夯入灶，阿台灣人猶毋知覺醒，到今猶是羅漢腳仔。陳金順的詩塑造台灣人形象，是建立台灣精神重要的物件，張德本講，惠特曼嘛是位描寫各階層人物生活的草葉集來建立美國精神，可見陳金順的方向正確。伊講：「這窟挖落去就著矣啦，攏是土龍！莫去追求對岸的恐龍！」最後勉勵陳金順，堅持就是上好的抵抗，繼續閣鑽入去走揣，閣有足濟會使寫，嘛勉勵陳金順位史識開始，建立家己na來na深的歷史見識。
　　另外，柯柏榮嘛上台分享位2002年開始陳金順對伊的鼓勵佮影響，伊感謝陳金順對伊講，創作才是上重要的代誌，要寫出「擲地有聲」的作品，伊是按呢才開始拍拚寫台語詩的。閣，伊認為《一欉文學樹》予伊濟濟的啟示，雖罔內面的人物伊起先攏無啥bat，毋過，因為陳金順共寫出來，伊就開始去接觸，因為按呢伊嘛加認識真濟台灣的guâ人。伊最後講，《一欉文學樹》就是彼款「重甲假若予我捧袂起來」的「擲地有聲」的作品！

-----------------

回應---

●左岸潮聲 12小時以前 的評論
是安怎台語文學對我這a台灣人這呢困難？會講卻不會寫，連閱讀都有障礙......除了讚嘆各位之外，應該還能試著以母語去思考與營造文字才對

●胡長松 12小時以前 的評論
其實你若會講，很快就可以閱讀，從基礎開始，幾個小時的學習就可以展開你的閱讀之路，當然寫作或許要再多點練習，但我看你的文字很敏銳，應該很快，有開始總不難。

從北京語轉向台語思考與營造文字，我自己是見證者，1995年至2000年寫了幾篇北京語長篇小說之後，轉向台語，前一二年覺得綁手綁腳，創作字數剩下十分之一不到，有點疑惑，之後慢慢發現因為使用台語，進入了以前怎麼想也到不了的廣闊之地，你一定要來試試看。

●Lee Hsiu 李秀 9小時以前 的評論
長松！我真感心你對台文的打拼加毅力，我真欣羨你講的「之後慢慢發現因為使用台語，進入了以前怎麼想也到不了的廣闊之地。」
其實我嘛有一寡有關使用台文的問題，我嘛知影需要卡濟的練習，不過我想應該有較好的法度去做會卡緊有效果出來，你想呢?

●wagi-sun 2小時以前 的評論
以我個人的經驗，假使你的母語若是台語，而且聽講無問題，欲進入讀寫的階段，該當是真緊的代誌。只要你有信心佮堅持，真緊會看著成績。　

● Lee Hsiu 李秀 1小時以前 的評論
我的意思是講，甘有哈咪統一的版本，或者是字典之類的補助物件，push我想欲用臺語寫作，像我現在想欲翻我的童詩成臺語，但是即碰到難題。真歹勢，竟然我翻英文的時陣，無這款問題、悲哀的臺灣人!

●陳寧貴
恭喜金順新書發表成功
李秀的思考也是我多年的思考
「我想應該有較好的法度去做會卡緊有效果出來-----我的意思是講，甘有什咪統一的版本，或者是字典之類的補助物件」
母語界要多往這方面費心
否則會讓欲寫母語者困惑並且多花許多冤枉時間

台語書寫並未統一
有全用漢字者
也有漢字拼音共用者
拼音有台羅、有通用 ------- 各自發明
非老手難以窺其全豹
這就是為什麼會聽說台語
卻遲遲不敢書寫台語之原因？
客語書寫也是這種問題
母語書寫的文字
不統一固定
勢必影響母語書寫的推廣

● 李秀
頂個月遇到一個Vancouver Symphony’s 客座指揮，開講了後知影伊的故鄉是臺南，我真歡喜有這款罕得有的少年郎，會曉講英語加臺語而已，不會曉講華語。驚喜之餘，我講﹕「按呢你就會曉用台語寫文章了？」伊驚訝回答：「我從來不知影台語有文字。」

我想這款case真濟，會曉講或者願意講臺語的人，即無介濟；會曉寫或者看懂臺文，閣愈少。以我本身作例，十幾年前寫小說時陣，即感覺著無用台語寫「對話」即無法度真實反映俗民的生活，所以我即有寫寡臺語。到現在我真正想欲完全用臺語寫作，竟然有困難。以前我會叫Chang Te-Pen唸乎我聽，但時空的隔絕，我應該家已獨立出來面對我故鄉的語言，也向望前輩(用臺語寫作我是晚輩了) 的鼓勵加指導。

歡喜陳寧貴和我有仝款的感受，嘛感謝胡長松提供的網站，但是入去查攏出現「失禮，無你欲查的資料」。
我知影這條路無介好走，但是現在竟然有淡薄的責任感。我是臺灣人，也是寫作的人，我不欲寫、啥人欲寫?

●陳寧貴
十五年前
我不相信客語可以書寫
經過多年後才漸漸習慣
主要原因是
學習資料的不足
將說的變成文字畢竟是有段距離的
還有個可笑的原因是
我說的客語
有些已不知不覺
變成華語式的客語
這不修正回來勢必貽笑大方
例如
華語→可以嗎，客語→做得麼
華語→對不對，客語→著毋著
------等等的差別

目前
母語書寫的文字尚未標準化
這對母語書寫者是很大的
學習困擾和障礙
母語書寫界也有派別
自以為自己的那種書寫最好
應該成為書寫的標準
我覺得大家應共商出一個書寫的標準
然後大家依據學習較為圓滿妥當