鄉關

鍾達明作品

　　又愛又恨介地方



　　家鄉係使人又愛又恨介地方，

　　雄峙東邊介大武山，

　　不時蓋等輕輕淡淡介白雲，

　　東港溪相似天地母親介乳汁，

　　緩緩流過禾浪翻滾介大地。



　　刺目介日頭歸年照耀，

　　白壁紅瓦介當可愛介家園，

　　朗朗讀書聲應和介古廟鐘聲，

　　在禾花介清香中飄散，

　　飄散…… 但，

　　毋知麼介時節開始，

　　大武山已經看無麼介清楚，

　　東港溪也毋會再流清淺，

　　天籟介音韻也聽毋著哩，

　　大地分車馬聲機器聲吞忒去！



　　頭擺夢中介家鄉，

　　係十分使人懷念介地方，

　　現下大自然分佢破壞忒去，

　　恨物事已非，美景毋再，

　　空留甜夢到鄉關……。