詩想起

食台灣米飲台灣水，
族群相惜像戽水上天，
恁樣介台灣人，
敢毋會壞勢？

離鄉不離腔，
我講客家話汝講河洛話，
佢講北京話抑係原住民話，
這全部都係台灣話。

有人講客家話有音無字，
仰會好愁毋愁，
愁六月天無日頭？
這係強勢語族介拗蠻，
事實客話有音乜(也) 有字，
汝寫「可以」我寫「使得」，
汝寫「對不對」我寫「著無著」，
「茄子」係「吊菜」，
「鋤頭」係「钁頭」。

問題佇這位：
我等(我兜)有認同自家人無？
有心打石石成磚，
無心打井井無泉，
適(di)今晡日開始，
大聲講客家話，
大膽寫客家文，
「蜻蜓」變「揚尾
老鷹」變「鷂婆」，
承蒙台灣逐儕人，
共下來相和！