客語資訊

愐起頭擺 /陳寧貴

●古炮 

臨暗，紅毛城頂項介古炮，炮口對準欲落山介血紅日頭。路過介雲探頭下來問：「汝還有力頭，將日頭打落來無？」無愐到，一下間，日頭直直跌入恁冷介淡水河水底肚咧，天昏地暗介時節，看著古炮炮口，對準，無奈介孤淒。

●黃糖飯

從田坵蒔禾歸屋家介阿伯，肚飢到等毋掣食夜飯，佢拿起大碗公添飯，放二大匙黃糖，沖入滾水後摝一摝，就稀瀝弗嚕食起來。我等細孲仔企在佢身邊，看佢食到嘴巴巴，欲流口瀾落來咧。下把我等也會學阿伯食黃糖飯，你一口我一口，食到五臟六腑笑哈哈。五十零年後，有時節會愐起黃糖飯，黏時嘴角湧起，恁甜恁香介味緒，流到心肝頭，變成看毋到邊介幸福感。

附註：童年住客庄鄉下有這種記憶：「黃糖飯」即是用大碗公裝冷剩飯，加紅糖再加白開水攪拌均勻後食用。在那生活清貧的年代，是非常流行的充饑速食，當然不能與現在的麥當勞速食相比，然而卻是在我童年裡，泛著淡淡的甜蜜與芳香，永遠不能忘懷的記憶。

-----------------------------------------

客語詩讀介

 曾貴海的《夜合》 /陳寧貴

曾貴海的詩，表現出客家人爽直的硬頸精神。他也極關心客家的語言文化，傑出的客家詩裡，對客家土地、歷史、人物、景色都有極精準而開創的描寫，印證了用客語對詩的抽象意象與象徵意義，皆具同等華語般可書性，為後來的客語詩創作者，指出柳暗花明又一村的新境。如曾貴海寫給妻子和客家婦女，讓讀者津津樂道的「夜合」一詩，以夜合喻為客家婦女，客家婦女白天忙碌，要沒閒到半夜才能讓老公聞到體香。詩中表面看似浪漫，其實道盡客家婦女內心極深處隱密的情愫。

   ●夜合  /曾貴海

　　日時頭毋想開花

　　也沒必要開分人看

　　臨暗 日落後山

　　夜色跈山風踴來

　　

    夜合佇客家人屋家庭院

　　恬恬打開自家介體香

　　河洛人沒愛夜合

　　嫌伊半夜正開鬼花魂

　　

    暗微濛介田舍路項

　　包等面介婦人家

　　偷摘幾蕊 夜合歸屋家

　　勞碌命介客家婦人家

　　老婢命介客家婦人家

　　沒閒到半夜 　

　　正分老公鼻到香

    半夜老公

　　捏散花瓣放滿妻仔介圓身

　　花香體香分毋清

　　屋內屋背

    夜合 花蕊全開