詩想起

黑白郎君黑白講
到底麼儕係黑白郎君？
蓋像發一場夢
翻一個身就有一百介
紅黃青白介真假仙出現！

該暗晡我漂流
佇造勢晚會人海肚
看佢等仰般表演
將我介心肝搔到酥麻

汝知我知
佢等講介話無法度榜飯
天光日
日頭照樣適東片出來喊我上班

候選人輒常歕雞頦
講佢等係做得信付介英雄
其實人民正係
淘盡千古英雄介大浪！

------- 選戰 / 陳寧貴