林沉默作品

林沉默
我的老爸
　　　　　矮矮，
　　　　　肥肥，
　　　　　短短短。
　　　　　對序細，
　　　　　無性地。
　　　　　有心事，
　　　　　囥心底，
　　　　　五十歲，
　　　　　脫膊赤。
　　　　　看儂歹勢，
　　　　　行路頭犁。
　　　　　有賺淋三杯，
　　　　　無賺照常過。
　　　　　毋驚天，
　　　　　毋驚地。
　　　　　到月尾，
　　　　　毋敢接電話，
　　　　　上驚厝頭家。
　　　　　嘿！彼個儂是誰？
　　　　　嘿是阮娘的好頭家！
　　　　　嘿是阮的好老爸！
　　　　　---一隻無殼的大露螺。
　　　　　
　　　　　 【金針花】

　　　　　　金針金針
　　　　　隋隋黃黃。
　　　　　日來芳田園，
　　　　　暗到甜菜湯，
　　　　　青春獻了，
　　　　　無儂問。
　　　　　金針金針
　　　　　隋隋黃黃。
　　　　　分一蕊，
　　　　　插值阮媽媽的
　　　　　白頭毛。

　　　　　【舅仔真笑詼】

　　　　　舅仔舅仔----
　　　　　真笑詼。
　　　　　羅漢腳，
　　　　　三十歲。
　　　　　穿皮鞋，
　　　　　戴高笠。
　　　　　遷豬哥，
　　　　　去揣妻。
　　　　　過阮兜，
　　　　　來淋茶。
　　　　　講著豬母---
　　　　　嘿！嘿！嘿！
　　　　　真厚話。
　　　　　講著小姐---
　　　　　這！這！這！
　　　　　真歹勢。