鍾永豐 / 山歌唱來解心煩

山歌毋唱心毋開
大路毋行生溜苔

長纏故事毋再怨
邀串來到立法院
左驚右愁懊懆時
山歌唱來解心煩

一山來連一片山
山山相連美濃山
一手牽來又一手
手手相牽萬丈山

腳有千雙路一條
人生百樣心共調
眾口一聲反水庫
衙門咁惡照樣屌
山歌毋唱心毋開

--------------

●好山好水留子孫

月光探頭看著荖濃溪
太武伸手攬著南台灣
河壩撩動捱等介下頦
唱出捱等介情歌
河壩躘過捱等介身體
劃出割出捱等介來歷
河壩勘裁岌崗介方位
測出捱等介地理

捱等介山捱等介河壩
要怎吶來分家
捱等介命水捱等介土地
要怎吶來分割

好山好水留子孫
好男好女反水庫