文學客家創刊號 內容

《文學客家》創刊號的出版
正式宣示客語書寫的降臨
客語書寫者從前單打獨鬥
依門傍戶的局面
轉進成有組織的隊伍
其所形成的新能量
將會倍速促使客語書寫的進展

從前我們以為
有興趣有能力
客語書寫者是很少數客家子弟
然而《文學客家》創刊號的出版
我發現有興趣有能力
的客語書寫者並不少
只是沒有發表舞台
無法看見他們現身罷了

我更發現
像邱一帆、羅秀玲
等新生代客語書寫作家
對客語書寫的純正流暢
真是令人驚歎！
他們也在小學任教
可透過教導兒童客語書寫
產生客語書寫更新世代

當大家擔心客語流失之際
推動客語書寫應是
最根本的解救之道
主導客家文化的官方客委會
請大力支援客語書寫的活動！

------------
創刊宗旨 1
編輯原則 1
詩歌 劉康威 機器詩三首-氣動羅賴把 1
千斤頂 1
果汁機 1
江嵐 山芙蓉 1
陳寧貴 面對-碎裂之戰 1
黃卓權 死樹開花 1
英雄 1
讀其个詩 1
邱一帆 屘姑等路 1
就恁樣一路行著過來 2
朱真一 pu-e 1
黃美鴻 老頭擺-客家老行業寫真 3
張捷明 惡狗大細目 1
涂瑞儀 點線面 1
羅秀玲 櫻 1
大襟衫 1
戴德泉 竹唊拐 1
徐碧美 麼人點著涯個夢 1
林櫻蕙 愐起還細在庄下个時節 3
傳統客家菜 3
彭歲玲 花色个大手帕巾仔 1
真花佬假花 1
分醒 1
申佩芝 月篩子三首-屋家 1
頭路 1
賓宴 1

童謠兒歌 張捷明 張古老想摘星仔上天頂 1
馮輝岳 客語兒歌3首－天弓蟻公柳樹 4
吳成美 耶誕鈴聲 1

童話 張捷明 時計果唱山歌 2
海翁島介十三星淑女瓢蟲愛做新娘 4

散文 徐清明 鄉愿苗栗人 3
天才護士 2
一面鏡仔 1
黃永達 坐高鐵做得看到我屋家的公廳 2
江嵐 紙雕展覽 2
張淑玲 一張相片个故事 3
龔萬灶 阿松伯姆个妹仔 9
刷米篩目 5
彭欽清 肚臍絆內娘恩多 2
黃學堂 半片山下介掌牛歌 3
胡紅波 老了正來學歕笛 3
徐貴榮 好坐普通車个阿爸 2
彭歲玲 河壩水故鄉情 2
左春香 發揚客家環保精神救地球 2

小說 羅秀玲 命運个跡線 21

評論 陳寧貴 讀詩筆記 2
方耀乾 詩遊人間，人間遊詩──黃卓權《人間遊戲》序 3
朱真一 交文言文多，社會問題多 1
涂瑞儀 二十年來台灣「客家文學」 15
黃恆秋 走尋對話心靈 4

文訊 1
稿約 2

------------

文學客家目前暫定半年刊
郵政劃撥：帳號16686525 黃子堯帳戶
I S B N 978-986-83804-2-4 （平裝）定 價：新台幣140元



------------
創刊宗旨
客語作家、寫作者共下來用客話寫文學
屬於客語文學个刊物《文學客家》第1期就愛面世，這係一種追尋也係一種堅持。從客話到文字，從文字到客語文學，從客語文學到客家文學，這係一種追尋，過程之中定著會堵著當多个問題，要看等問題，打合解決个辦法，這係一路行下去个文學工作者愛有个堅持。對於客語文學意象个追尋，本刊有以下个看法：
語言文化係族群个命脈，只有客家人个語言文化繼續傳揚，就毋使驚無題材，客語文學个創作正有其材料、養分，也正做得延續、創造新生命，客語詩人作家，對客家語言文化个傳承有責任也有其使命感。只要客家人介語言文化延續傳揚，客語文學創作个題材只有愈來愈多、愈來愈闊。
客家文化有其特殊个、同其他族群文化無共樣个所在，各地个客家人也可能有無共樣个文化特色，詩人、寫作者假使做得看著這點、看出背後較深个意義，用豐富个聯想、邏輯聯繫个能力，表現具體鮮活个形象，該就係本色个客語文學意象、客家文學，當然，豐富个客家經驗對客語文學个創作儘重要。
客家語言文化當然有其變遷性，仰般來捉著變遷个樣貌，分佢一種時代个意義，搭配親切、生動个形象刻畫，係現代客語詩人、寫作者愛努力个方向，文學毋好變作道德說教，也無應該變作文字个遊戲。意象个經營、就像美感个經營，係所有文學个生命，客語文學共樣係恁樣。
意義同具體形象之間，仰般聯結成合理、邏輯、生動、鮮活个意象，係詩人作家一生人个追求；寫出意象、寫出美感，創作出感動自家、感動客家又感動大家个客語文學作品，係客語詩人、寫作者堅持个動力同價值。
客語文學創作係客家文學創作个一部份，也做得講係目前當重要个部分，因為客語文學个創作做得同客話從生活語言提升到文學語言个高度，同時真確融入客家元素。透過客家元素這兜具體个存在，同其用客話表現出來，做得永久保存客家文化个元素，又做得創造客家文化个新意義。
做為一個客家寫作者，做得捉著族群文化背後个意義，不管係傳統个、特殊个、轉變中个、抑係單一个客家元素，調整具體个形象，背後深層意義之間个關係，凸顯客家文學个意象，同時也做得體現出客家傳統个、特殊个、轉變中个抑係單一个文化現象。
用較闊个角度來看，使用客話來寫作文學，就溝通了客家文化同客家文學个關係，因為客話本身就係客家文化个重要元素，假使做得看著具體个客家文化現象，看透現象背後深層个意義，用具體、形象活潑个形式表現出來，恁樣就體現了客家文學介意象，同時也表現了客家文化个意象。

-----------------
編輯原則
《文學客家》專刊，係一本提倡用客家話寫詩文个文學雜誌。在客家用字還吂公認標準化以前，本刊尊重寫作者个專業同自由，只要作者認為做得表達自家个情感思想，同時做得分人看得識、了解，不管係用「全漢字」、「漢羅字」抑係「羅馬字」全部尊重作者个使用權。
在文章投稿、選用方面，每一期歡迎作者提供客家詩歌、散文、小說、戲劇、童謠、兒歌、童話、評論、文訊等方面个文章，為擴大客家文學个參與度，每1期每1位作者，文章个選用，毋好超過三篇為原則。
編輯委員目前規劃本刊以半年刊个方式出版、發行，每年5月、11月截稿，歡迎所有認同客語文學創作个人，加入編輯个行列，共下來寫作、投稿，當然，也盡歡迎四方各界个贊助。

--------------

《文學客家》刊物邀稿

★刊物發行宗旨：
在台灣，客家話相對華語、holo語、英語來講一直係弱勢个語言，有人講「佢目前住在加護病房，強強會蓄毋生吔！」，看著、聽著、認知著這種情況个台灣客家人，敢毋會感傷？敢毋會愁慮？敢毋會一種想法同行動－恁衰漦！為著客家話个生存延續、創新發展，大家牽手打拚，分客家話在聽、講、讀、寫、作方面一個健全个環境，最起碼分客家話做為客家人个生活用語、教學用語、知識用語、文學藝術用語。
在台灣，客語文學比較華語文學、holo文學一直係弱勢个文學。大家就知，客家話係客家文化个承載，係客家文化个表徵，也係客家人之間最親切个溝通語言，客家文化就係客家人物質同精神生活个展現，也係客家人面對生活環境，在行為、價值、觀念、思想上个反應。假使客家話已經消失，這表示客家人對世界已經無麼个反應，也表示客家人已經在台灣這個世界消失吔！用客家話來寫文學，盡做得表現客家人个生活、情感、價值、觀念，也係挽救、延續、創新客家話个一種盡重要个方式！
煞煞－請大家筆擎起來，用客家話寫自家个感情、思想，用客家話來寫文學、寫評論！
煞煞－請大家筆擎起來，同自家、同客家面對个世界，展開心靈个對話。
煞煞－在客家話空前危機个時節，請大家ten手來延續客家話、創新客家文學。

★ 邀稿：請用客家話來寫
一、客語詩歌、散文、小說、戲劇。
二、有關客語文學个隨想、雜感、札記。
三、有關台灣客語文學个論述。
四、客語書評、短評、自由論壇。
五、客語文壇活動、文獻史料。
六、截稿日期係每年5月.11月底。

★ 投稿个相關辦法：
一、本刊係客語文學刊物 ( 非營利事業 )無稿費，謹奉送當期兩冊。
二、為節省人力、物力，來稿無論有採用無，一概無退稿。請自留底稿。
三、撰稿人除用漢文名以外，請加注客家話拼音。
四、來稿請附電子檔。
五、稿件請寄：


電子檔隨紙本附上 或 邱一帆信箱 ：tu6986@webmail.mlc.edu.tw
電子檔名請寫上 「投搞《文學客家》─ 姓名、篇名」

★ 注意事項：
請投稿个作者，記得附上詳細個人資料，方便校對聯絡。
像：姓名、聯絡地址、E-MAIL、電話這兜。
好比：邱一帆
353 苗栗縣南庄鄉東村文化路3號
E-MAIL：tu6986@webmail.mlc.edu.tw
TEL：0912-346986