星期六, 7月 16, 2011

詩想起

●選戰



黑白郎君黑白講

到底麼儕係黑白郎君?

蓋像發一場夢

翻一個身就有一百介

紅黃青白介真假仙出現!



該暗晡我漂流

佇造勢晚會人海肚

看佢等仰般表演

將我介心肝搔到酥麻



汝知我知

佢等講介話無法度榜飯

天光日

日頭照樣適東片出來喊我上班



候選人輒常歕雞頦

講佢等係做得信付介英雄

其實人民正係

淘盡英雄介大浪!





●台灣毋再係漂流船



台灣頭擺係一隻船,

漂流佇當暗歷史海,

隨東風西雨四處浪,

坐佇船頂介台灣人,

從來毋知愛去奈位?



台灣現在係我屋家,

毋再係無根孔竅船,

我兜歇佇堅定心肚,

囥起目汁共下打拼,

恩愛寫自家介歷史!

0 Comments:

張貼留言

<< Home