解

陳寧貴客語詩-台灣和解-...多倫多228和平紀念會-甘訪英唸詩




食台灣米飲台灣水，族群相惜像戽水上天，
恁樣介台灣人，敢毋會壞勢？
離鄉不離腔，我講客家話汝講河洛話，
佢講北京話抑係原住民話，這全部都係台灣話。
有人講客家話有音無字，仰會好愁毋愁，
愁六月天無日頭？這係強勢語族介拗蠻，
事實客話有音乜(也) 有字，汝寫「可以」我寫「使得」，
汝寫「對不對」我寫「著無著」，
「茄子」係「吊菜」，「鋤頭」係「钁頭」。
問題佇這位：
我等(我兜)有認同自家人無？有心打石石成磚，
無心打井井無泉，適(di)今晡日開始，
大聲講客家話，大膽寫客家文，
「蜻蜓」變「揚尾」，「老鷹」變「鷂婆」，
承蒙台灣逐儕人，共下來相和！