＠阿公介檳榔扇

 《景德傳燈錄·佛日和尚》

釅茶（濃茶）三五椀，

意在钁頭（鋤頭）邊。

（說的不就是客語）

 

＠阿公介檳榔扇

 

阿公還在時節

佢有一項寶貝

就係用檳榔葉做介檳榔扇

 

佢用毛筆在頂項寫：

扇肚有風，一撥清涼

 

熱天暗晡頭

佢用來撥走暑氣

撥走貪豺介蚊仔

該係毋使插電介電扇

乜做得安著行動電扇

行到那撥涼到那

 

檳榔扇仔輕輕撥啊撥

斷真係心涼脾土開喲

有時節撥到啄目睡

湊﹝邀﹞著人生鹹酸甜介夢

共下坐等檳榔扇仔

毋知飛到那位去逍遙咧…