詩想起

頭擺人拜天拜地，
拜分子孫好命順序，
現下後生真生趣，
煞力牯哈日哈韓，
哈到無閒睡目，
哈分自家盡沙鼻。

國際名牌來台跌價拍賣，
高貴人輕輕放下身段，
平常人遽遽提高手段，
排佇看無到頭尾列仔項，
毋驚又刺又辣介日頭，
晒到像紅面番鴨公，
無論識毋識貨，
有名就好！

佢等講搶買到係賺到，
賺到一身靚鬧鬧，
分人看到目金金！
身價三級跳，
跳到天頂唱山歌。

名牌！名牌！
國際傳名聲，
台灣有出名，
著戴身項，
變做台灣名流？

註：

頭擺：從前
分：給
煞力牯：費盡心思
盡沙鼻：很神氣
著：穿
身項：身上