邱一帆客語作品

糍粑
◎邱一帆

糯米一粒一粒金金
佇礱穀間脫殼
白淨白淨个米
浸到大錫盆項十二點鐘
阿姆講：
耕種人煞猛个身影
佇水竇肚
看現現

磨一粄袋乳水樣个汁
耐心翻磧
三四點鐘个粄脆
一榾一榾放入籠床
一點鐘蒸軟
軟軟个糍粑
就像阿姆軟軟个心
黏黏个糍粑
就像屋家人黏共下个心

圍一張桌
斷出一團一團个糍粑
剪細細粒
搵歸身番豆粉
一粒一粒緊食
食得出
阿姆心肝肚个歡喜
乜食得出
客家人个味緒

-----------回應
真係分人懷念
客家人个味緒
寫到真好--
軟軟个糍粑
就像阿姆軟軟个心
黏黏个糍粑
就像屋家人黏共下个心

------------------