詩想起

到選舉時節，
改革風聲又烈烈吹起，
追求公平正義介社會，
原本係台灣全民共識！
無故改革途中，
定著堵到既得利益者，
惡形惡狀做猴做鬼，
擋佇半路阻礙改革。
政府毋使驚，
愛下定決心做落去，
全民願意分汝做後撐。
愛知得本土政權，
巳經盡久無本土意識囉，
絕對毋好再淨用嘴喔喔喊，
分百姓認定係騙選票定定。
政府愛拿出強過有力行動，
確立執行步驟同達成日期，
恁樣正能分百姓認為政府，
係斷真為本土打拚，
有反省力能真改革，
介大有為政府！

到選舉時節，
改革風聲又烈烈吹起，
這係台灣最好變身時節，
東溪清西溪黃，
合水見端詳！
台灣人民定著用選票，
支持勇敢同惡勢力作戰，
真心真意為台灣，
公平正義打拚介政黨！