紅粄--江秀鳳﹝江嵐﹞

紅粄--江秀鳳

分類：府城詩刊--詩寫228.台語詩人聚府城

　　

　　定定仔用文文个火
　　將紅白二色个心臟
　　放入鍋頭肚項煎
　　煎出阿婆个目汁
　　同阿太个臊味
　　
　　薄薄仔个鹽花仔
　　係鹹鹹个土地
　　生毋出水个番豆

　　一口一口吞落頦个係
　　一節一節行過个
　　火車窿
　　童年个記憶
　　分虎姑婆食忒个手指
　　痛過半世紀

　　慢慢仔品嚐
　　無人佬你相爭个
　　苦辣甜酸………
　　阿姆總係叮嚀捱
　　少食多香氣