老榕樹

●陳寧貴
水涵頭唇介老榕樹



有一頭老榕樹

聽說對阿公以前介阿公時節

百過年前就生在水涵頭唇

大人佇介撂涼唱山歌

細人佇介跋上跋下

佢係者兜小山狗仔介遊樂園



有人用索仔做晃晃

晃來歸熱天介涼風同歡喜

十八歲介年我離鄉後

只有在發夢中

正會佇佢熟識介身項跋上跋下

有時轉老屋家正會去尋佢聊

像睹到老朋友

佢用鬍鬚拍我介肩頭

用樹葉仔摸我介頭那



有一日我盡暢轉去

老榕樹怎會唔見忒

存到硬頸介老樹根

狠狠攬住頭擺古老介地泥

我蓋像聽到當時

斧頭在佢身項鑿出哀嚎

鋸子逼佢濺出

同目汁共樣介屐屎



再過半年後

介老地跡生出

一頭唔會喊唔會笑

我從來唔識介

大樓房