張芳慈〈瓦窯〉

張芳慈〈瓦窯〉



熟識个人喊佢瓦窯

這係捱嫁來莊下以後

分捱毋會感覺到生分个所在



祖公留下來个這塊土地

佢識無日無夜在燒自家

燒紅盡多个台灣瓦



現在

屋頂个風景

分溜苔磧等大家个記憶

雖然窯肚个火已經烏黑

捱等莊內个人也無毋記得



薄薄个紅瓦

疊在牆角下任在佢生溜台

牽牛花手牽手同佢攬緊緊

感覺著佢个手脈文文跳

柳樹也同佢抵日

蓋像聽著佢勻勻个透氣个心



識生產台灣瓦个瓦窯

像三月開得泛紅个木棉花

蓋等台灣紅又紅个土地



註：

磧等：壓著。

抵日：遮陽。

識：曾經。