客語詩展

●曾貴海的詩集《原鄉•夜合》大部份皆以他的故鄉佳冬為詩集的場景，詩中
的人、事、物幾乎都是發生在佳冬。即使詩集中有些不是發生在佳冬，也是在其他的客
家庄，例如：美濃。《原鄉•夜合》詩集的第一首詩為＜故鄉个老庄頭＞，即是從「三
山國王」這個古老的傳說故事發展出客家庄的故事，及描寫客家庄的建築，他寫著：


還小時節老人家常常講起

三山國王廟个山神

騎白馬飛天衝去隔壁庄

踏爛伊等个村庄廟壇

原來，我等拜个係戰神

家鄉下六根庄个圓形村落

起滿土磚瓦紅磚屋同端正个大伙房

外面圍著樹林齧竹48河壩

庄肚路面只有四公尺闊

屋家黏屋家

家門對家門

庄路對廟中心向四邊伸出去

伸到東西南北柵門口

柵門附近還有五仔鎮營神

歸只庄仔像一只軍營

保護庄內緊張个客家移民親族

三百年前左右來到這裡

一代一代傳落去

漸漸个，有人搬去柵門外

一九九○年以後

東柵門滣後，鄉公所對面

剷開三條隔沒五十公尺个大路

舊式客家建築一隻一隻倒塌

鄉親佇巷仔內行出行入

謹謹慎慎過日子

等有錢時節起洋樓



●陳寧貴＜原鄉＞


心肚總係囥等

一個緊停動介秘密

像火焰虫介光眨動

緊尋前世介記憶

霧霧介意象

也像半夜突然出現介一群咳嗽

嗽醒身體深處

彎彎斡斡介桃花源



既經夢遺介另一介世界

流連在虛幻介神話肚

隔著一層放大介朦朧

檢查人間介滄桑





●利玉芳的＜稈棚＞


禾埕尾的稈棚

係田舍人收藏个作品

係心舅毋使愁个火種

乾乾又燥燥个稈棚

一陣風吹來

有息把犁耙翻土个黃泥味

有春天蒔的臭青秧

有日頭搓草觸田流个汗臊

還有吐穗个稻香

親像一幅彩色个鄉村圖畫

疊到高高个稈棚

係肩頭放忒擔竿个心情

係水牛保足个草糧

稈棚下

係雞母帶子絡食个天堂

係細人仔掩目避屋个好所在


●黃恆秋的＜汝記得無？＞



還記得

細細个時節

青青个田秧

狹狹个屋家

還記得

闊闊个禾埕

飛上飛下火焰蟲

生趣个撮把戲

還記得

西片白白个河灞

大大个石頭驫上驫下个

蝦公蝦蟆

還記得

東片大嫲條个火車站

老老个細姑度等孫仔

轉妹家帶來好吃个等路穧粑

還記得

幼幼个竹籬笆高高个老榕樹

歸庄人共下料涼打嘴鼓

食等蘿蔔粄蕃薯簽个下晝


●馮輝岳的＜轉屋家＞


十過年無轉來

路唇个紅花

毋識敢怕

一蕊蕊哩搖上又搖下

搖上又搖下……

每擺出門

都係為著轉屋家

皮箱打開

倒出幾多思念•幾多風霜同繁華

浪蕩个日仔

就像翻滾个海浪花

一滴影跡都無留下

頭擺个隔壁鄰舍

討个討•嫁个嫁

今還係一个羅漢腳

又無賺錢孝敬阿姆阿爸

唉•緊爪頭那緊想鑽落地泥下

長透問自家

到底腳步奈位行差 1