古能豪 / 阮的心內有一條歌

一條寫著台灣咱祖國的歌
歌內底有美麗的島嶼、豐富的物產、甘甜的水果
四百冬來濟濟外來的人
做夥唱著這條歌

阮的心內有一條歌
一條寫著台灣咱思慕的歌
歌內底有男男女女、恩恩愛愛、真心的對待
不管早來抑是晏到
囡仔生過一個擱一個

阮的心內有一條歌
一條寫著台灣咱卬望的歌
歌內底有燦爛的日頭、打拼的形影、快樂的笑容
為著咱囝囝孫孫
不當擱再呼人騙

阮的心內有一條歌
一條寫著台灣咱一生的歌
歌內底有百歲的老人、新生的幼兒、青翠的土地
四百冬後濟濟外來的人
做夥唱著這條歌