客語兒歌

客語兒歌3首 ◎馮輝岳

tienˊgiungˊ
1.天 弓
tienˋgiungˋ
tienˊgiungˊ vanˊvanˊ
天 弓 彎 彎，
tienˋgiung ˋ vanˋvanˋ

gua cai ban tienˊ
掛 在 半 天，
guaˇ cai＋ banˇ tienˋ

tienˊgiungˊ vanˊvanˊ

天 弓 彎 彎，
tienˋgiungˋvanˋvanˋ

dapˋcai liongˋpienˋ
搭 在 兩 片，
dap cai＋ liongˊpienˊ

ciong citˋ setˋ ge toiˊ eˋ
像 七 色 个 梯 仔，
ciongˇ cit set gaiˇ toiˋ er

cunˊ haˊ loiˇ nginˇ gienˊ
伸 下 來 人 間，
chunˋ haˋ loi ngin gienˋ

oi ziapˋhaˊ famˇ ge siinˇ sienˊ
愛 接 下 凡 个 神 仙。
oiˇ ziap haˋ fam gaiˇ shin sienˋ
ngie gungˊ

2.蟻 公
ngie ˇ gungˋ

ngie gungˊngie gungˊ
蟻 公 蟻 公，
ngieˇ gungˋngieˇ gungˋ

zeuˋsongˊzeuˋhaˊ
走 上 走 下，
zeuˊshongˋzeuˊhaˋ

ban lu duˇ doˋ
半 路 堵 到，
banˇ lu＋ du doˊ

teuˇ naˇ deu teuˇ naˇ
頭 那 鬥 頭 那，
teu na deuˇ teu na

se se sangˊgongˋfa
細 細 聲 講 話。
seˇ seˇ shangˋgongˊ faˇ

ngie gungˊngie gungˊ
蟻 公 蟻 公，
ngieˇ gungˋngieˇ gungˋ

gongˊzonˋhiongˊhiongˊge biangˋsui eˋ
扛 轉 香 香 个 餅 碎 仔，
gongˋzhonˊhiongˋhiongˋgaiˇ biangˊsuiˇ er

gongˊzonˋngionˊngionˊge se ciˇ baˊ
扛 轉 軟 軟 个 細 粢 粑，
gongˋzhonˊngionˋ ngionˋ gaiˇ seˇ ci baˋ

iuˊ deuˊ tai gaˊ siit
有 兜 大 家 食，
rhiuˋ deuˋ tai＋ gaˋ shitˋ

iuˊ deuˊliuˇ loiˇ ci oˊ ngaˇ
有 兜 留 來 飼 嬰 兒。
rhiuˋ deuˋ liu loi ci＋ oˋ nga

liuˇ su
3.柳 樹
liuˋ shu＋

liuˇ su suˋ gutˋ congˇ
柳 樹 手 骨 長，
liuˋshu＋ shiuˊ gut chong

cunˊ do biˊ tongˇ bienˊ
伸 到 陂 塘 邊。
chunˋ doˇ biˋ tong bienˋ

cunˊ fungˊ ciin ciin coiˊ
春 風 陣 陣 吹，
chunˋfungˋchin＋chin＋chuiˋ

giˇ coˊ suiˋ mien fa ienˇ kienˊ
佢 在 水 面 畫 圓 圈，
gi cai＋ shuiˊ mienˇ fa＋ rhan kienˋ

itˋ kienˊ itˋ kienˊ iu itˋ kienˊ
一 圈 一 圈 又 一 圈。
rhit kienˋ rhit kienˋ rhiu＋rhit kienˋ

fa bunˊ maˋ saˇ kon
畫 分 麼 儕 看？
fa＋ bunˋ maˊ sa konˇ

ngitˋ teuˇ pak iunˇ tungˇ lamˇ tienˊ
日 頭 白 雲 同 藍 天。