posted by 陳寧貴詩人坊 @ 5:18 上午 1 comments
名家客語詩人作品展●轉屋家馮輝岳的作品十過年無轉來路唇 ke 紅花唔識 ngai 敢怕一蕊蕊哩搖上又搖下搖上又搖下....每擺出門都係為著轉屋家皮箱打開倒出幾多思念 幾多風霜同繁華浪蕩 ke 日仔就像翻滾 ke 海浪花一滴影跡都無留下頭擺 ke 隔壁鄰舍討 ke 討 嫁 ke 嫁Ngai 今還係一個羅漢腳又無賺錢孝敬阿姆阿爸唉 緊爪頭那緊想鑽落地泥下當係問自家：到底腳步 nai 位行差●新 ke 客家人鍾肇政的作品 (1990)莫再過講頭擺 客家人樣般偉大莫再過唸頭擺 客家人樣般優秀 En 大家就係新 ke 客家人寫唔完 ke 苦難 lau 艱辛長山過海來台灣流唔盡 ke 目汁 lau 鮮血開山打林立根基 En 大家就係新 ke 客家人莫嫌 lia 塊土地恁細 en ke 命脈就在 lia莫嫌 lia 塊土地恁瘦 en ke 希望就在 lia En 大家就係新 ke 客家人用 en ke 硬頸爭自由 再造客家精神用 en ke 熱血爭民主 再創客家光輝 En 大家就係新 ke 客家人●淡水暮色游守田的作品臨暗仔 e 淡水暮色還靚，有男女坐在河唇談情講笑，咩有垂釣者孤獨ｅ身影，更有許多異鄉子弟思念。樣般 e 心情lau樣般 e 感覺詩情畫意， 憤世嫉俗， 惆悵失落者片籠總尋得到天色漸漸暗船家一個個轉港所有 e 人物， 景色也隨等kuai 仔 e 聲沒忒去只有感覺還在儕儕 e 心底肚揮之毌去●紙鳶曾貴海騰阿爸去紀念堂搞，細 o 仔lau 紙鳶仔放上去像係自家飛等上 ke 一隻心遠遠仔離開 lia 個城市打拼向頂高 khietkhiet 上愈高正做得看卡清楚童年蓋遠蓋遠 ke 故鄉啊....●瓦窯利玉芳的作品熟識 ke 人喊佢瓦窯這係 ngai 嫁來莊下以後分 ngai 毋會感覺到生分 ke 所在祖公留下來 ke 這塊土地佢識無日無夜在燒自家燒紅盡多 ke 台灣瓦現在屋頂 ke 風景分溜苔磧等大家 ke 記憶雖然窯肚 ke 火已經烏黑Ngai 等莊內 ke 人也無毋記得薄薄 ke 紅瓦疊在牆角下任在佢生溜苔牽牛花手牽手同佢攬緊緊感覺著佢 ke 手脈文文跳柳樹也同佢抵日蓋像聽著佢勻勻 ke 透氣 ke 心識生產台灣瓦 ke 瓦窯像三月開得泛紅 ke 木棉花蓋等台灣紅又紅 ke 土地●看戲范文芳的作品工廠下 有人為著環境污染抗議圍堵街路上 有人為著講我母語示威遊行最安全 ke 人生 係別人去擔風受險Ngai 來享受佢兜爭來 ke 好處電視肚 常常出現農家歡樂 ke 景光書本中 時時寫到美麗無邊 ke 家鄉最快樂 ke 人生 係別人去做生做死Ngai 來欣賞勞苦 ke 美觀學者先生 為了台灣文化認真座談論官員大人 為了中國文化煞猛寫標語最穩當 ke 人生 係別人去辦文化雜誌Ngai 來編印發財書類就像童時去廟坪看戲最生趣 ke 人生 係別人在台上演出淒慘 ke 故事Ngai 兜在台下食山楂糖慢慢享受●輪迴陳寧貴的作品昨晡日今晡日天光日Ngai 同樣在影印Ngai 自家對笑影印到笑哭不得複製忒多 ke 自家已經模糊不清假使突然心靈停電影印出來 ke 自家暗摸摸一片這看起來麼ke 都無其實麼ke 都有悲情已無地方可放祇有囥起來
張貼留言
<< Home
一堵牆，走在前面，擋住去路，此刻詩想，已穿牆而去--------- ningkuei@gmail.com
檢視我的完整簡介
>
1 Comments:
名家客語詩人作品展
●轉屋家
馮輝岳的作品
十過年無轉來
路唇 ke 紅花
唔識 ngai 敢怕
一蕊蕊哩搖上又搖下
搖上又搖下....
每擺出門
都係為著轉屋家
皮箱打開
倒出幾多思念 幾多風霜同繁華
浪蕩 ke 日仔
就像翻滾 ke 海浪花
一滴影跡都無留下
頭擺 ke 隔壁鄰舍
討 ke 討 嫁 ke 嫁
Ngai 今還係一個羅漢腳
又無賺錢孝敬阿姆阿爸
唉 緊爪頭那緊想鑽落地泥下
當係問自家：
到底腳步 nai 位行差
●新 ke 客家人
鍾肇政的作品 (1990)
莫再過講頭擺 客家人樣般偉大
莫再過唸頭擺 客家人樣般優秀
En 大家就係新 ke 客家人
寫唔完 ke 苦難 lau 艱辛
長山過海來台灣
流唔盡 ke 目汁 lau 鮮血
開山打林立根基
En 大家就係新 ke 客家人
莫嫌 lia 塊土地恁細 en ke 命脈就在 lia
莫嫌 lia 塊土地恁瘦 en ke 希望就在 lia
En 大家就係新 ke 客家人
用 en ke 硬頸爭自由 再造客家精神
用 en ke 熱血爭民主 再創客家光輝
En 大家就係新 ke 客家人
●淡水暮色
游守田的作品
臨暗仔 e 淡水暮色還靚，
有男女坐在河唇談情講笑，
咩有垂釣者孤獨ｅ身影，
更有許多異鄉子弟思念。
樣般 e 心情
lau
樣般 e 感覺
詩情畫意， 憤世嫉俗， 惆悵失落
者片籠總尋得到
天色漸漸暗
船家一個個轉港
所有 e 人物， 景色
也隨等
kuai 仔 e 聲沒忒去
只有
感覺還在儕儕 e 心底肚
揮之毌去
●紙鳶
曾貴海
騰阿爸去紀念堂搞，細 o 仔
lau 紙鳶仔
放上去
像係自家飛等上 ke 一隻心
遠遠仔離開 lia 個城市
打拼向頂高 khiet
khiet 上愈高
正做得看卡清楚
童年蓋遠蓋遠 ke 故鄉啊....
●瓦窯
利玉芳的作品
熟識 ke 人喊佢瓦窯
這係 ngai 嫁來莊下以後
分 ngai 毋會感覺到生分 ke 所在
祖公留下來 ke 這塊土地
佢識無日無夜在燒自家
燒紅盡多 ke 台灣瓦
現在
屋頂 ke 風景
分溜苔磧等大家 ke 記憶
雖然窯肚 ke 火已經烏黑
Ngai 等莊內 ke 人也無毋記得
薄薄 ke 紅瓦
疊在牆角下任在佢生溜苔
牽牛花手牽手同佢攬緊緊
感覺著佢 ke 手脈文文跳
柳樹也同佢抵日
蓋像聽著佢勻勻 ke 透氣 ke 心
識生產台灣瓦 ke 瓦窯
像三月開得泛紅 ke 木棉花
蓋等台灣紅又紅 ke 土地
●看戲
范文芳的作品
工廠下 有人為著環境污染抗議圍堵
街路上 有人為著講我母語示威遊行
最安全 ke 人生 係
別人去擔風受險
Ngai 來享受佢兜爭來 ke 好處
電視肚 常常出現農家歡樂 ke 景光
書本中 時時寫到美麗無邊 ke 家鄉
最快樂 ke 人生 係
別人去做生做死
Ngai 來欣賞勞苦 ke 美觀
學者先生 為了台灣文化認真座談論
官員大人 為了中國文化煞猛寫標語
最穩當 ke 人生 係
別人去辦文化雜誌
Ngai 來編印發財書類
就像童時去廟坪
看戲
最生趣 ke 人生 係
別人在台上演出淒慘 ke 故事
Ngai 兜在台下食山楂糖
慢慢享受
●輪迴
陳寧貴的作品
昨晡日
今晡日
天光日
Ngai 同樣在影印
Ngai 自家
對笑影印到
笑哭不得
複製忒多 ke 自家
已經模糊不清
假使突然
心靈停電
影印出來 ke 自家
暗摸摸一片
這看起來麼ke 都無
其實麼ke 都有
悲情已無地方可放
祇有囥起來
張貼留言
<< Home