客家詩

台灣和解

食台灣米飲台灣水，
族群相惜像戽水上天，
恁樣介台灣人，
敢毋會壞勢？

離鄉不離腔，
我講客家話汝講河洛話，
佢講北京話抑係原住民話，
這全部都係台灣話。

有人講客家話有音無字，
仰會好愁毋愁，
愁六月天無日頭？
這係強勢語族介拗蠻，
事實客話有音乜有字，
汝寫「可以」我寫「使得」，
汝寫「對不對」我寫「著無著」，
「茄子」係「吊菜」，
「鋤頭」係「钁頭」。

問題佇這位：
我等有認同自家人無？
有心打石石成磚，
無心打井井無泉，
適今晡日開始，
大聲講客家話，
大膽寫客家文，
「蜻蜓」變「揚尾」，
「老鷹」變「鷂婆」，
承蒙台灣逐儕人，
共下來相和！

註：
戽水上天：喻很困難
抑係：或是
乜：mei，也
我等：我們，亦寫成「我兜」
適：di，從
今晡日：今天
共下：一起