詩想起

承蒙看得起
在寫作這條路項
大家共下研究
比較有陣
較毋會感覺孤獨

我個人認為
能夠將自家感情
表達出來
又能感動讀者
這就係好作品

當然
好作品輒常可遇不可求
遇著瓶頸時節
毋使過份在意
放佢來
到裡尾佢會過去

寫詩蓋像坐禪
愛豁忒緊張
愛盡量放鬆
好靈感就會入來

＜一儕人靜靜夜行＞
這首詩表現特殊
有感動人介特質
一儕人靜靜夜行
在人生過程輒常堵著
汝內心定著有盡深感觸
有感傷有期待
從
自家行過介路
仰會恁短
到
自家行過介路
越來越闊

可能期待還無實現
感傷正在湧現
這就係詩介來源

以上係我粗淺看法
汝認為呢