廖瑞銘 / 詩人黃勁連的詩佮 故鄉

故鄉ê 人事、景物是文學家最起初ê 生命體驗、永遠ê 記憶，所以往往是文學家siōng
起頭寫作ê 題材。˜-koh tī故鄉大漢ê 人定定無感覺tih 故鄉ê 存在，詩人陳明仁講「故
鄉是出外人ê 故鄉」。

黃勁連十五、六歲á tō 離開故鄉去外地讀册，iáu 無án-chóaⁿ siàu 念故鄉佳里，一直
到去金門做兵了後，才開始ē-hiáu 思念故鄉。退伍了後，tī台北phah-piàⁿ事業，「三更半
暝，時常有一款衝動，想beh 坐野雞á 車，透暝piàⁿ tǹg 去故鄉佳里興潭仔墘」。尤其專
心做台語創作了後，故鄉soah 成做i 作品siōng 主要ê 主題，講khá hâu-siâu ê，若無故鄉，
黃勁連soah ˜知beh án-chóaⁿ寫詩。

黃勁連ê 文學世界基本的是故鄉情懷ê 化身。tī i 1982 年出版ê 頭1 本散文集《潭仔
墘札記》ê 册siōng 尾ah tō kā i hit chūn ê 文學觀表達kah 真詳細：

除了透出乙份濃濃的鄉情，表現了我對於故鄉「潭仔墘」的熱愛和眷戀外，
也可見出我的熱望――我希望我是鄉土的，我的全身和我的作品的每一個字
裡行間皆渙散著鄉土的氣味。……我本來即是鄉土的；鄉土是我的母親，是
我創作的原始動力。……

從第一篇作品起，我即以鄉土的語言，來捕捉鄉土特有的聲音、特有的景觀
和特有的風貌。

有些生活的經驗是非鄉土的，但表現的語言跟風味，還是樸拙的、鄉土的。……
總之，「故鄉」是我作品中最重要的概念。7

Tī 黃勁連ê 詩內面ē-tang 看tih 故鄉ê 景緻，親像「雉雞若啼」：

雉雞若啼/一定是春天/一定是好天氣/雉雞ê 啼叫聲/那親像叫阮 恰緊/恰緊
飼牛大圳頭/溪仔邊 彼時陣/風微微 燕仔飛來飛去/阮騎店牛尻脊/吟阿
公教阮兮唐詩(《黃勁連台語文學選》頁126)

「夜夜來夢起」：

夜夜來夢起/故鄉兮形影/難忘兮廟埕/廟前兮戲台/大崛邊菜市仔/上好食兮物
件/大廟前樹仔頂/鳥隻兮叫聲」(《黃勁連台語文學選》頁133)

「傷心兮所在」：

宅仔內、迄三叢柚仔/事阮老父親手栽/三叢柚仔勻勻仔大/三叢柚仔倚歸排
伊兮樹影致蔭/阮大小厝內/春天開白花/採花蜂飛來飛去/秋天滿樹兮金黃(《黃
勁連台語文學選》頁141)

「小雨綿綿」：

小雨綿綿/落在阮厝兮厝邊/厝邊兮柴堆/小雨落未離/落在阮厝後兮籃仔花/籃仔
花軟弱兮花枝(《黃勁連台語文學選》頁157)

「阮細漢兮時---寫將軍溪」：

阮細漢兮時/將軍溪，溪水/清見見向溪流去/竹排仔一隻二隻/ 搖向西爿去/
西爿過去是大海/大海幾千里/傳登閃閃晰晰……
但是、二十冬後兮即時/將軍溪已經漚去死去/溪水漚溪水臭/規 身軀兮臭味/無
人敢去共鼻/二十冬後兮今旦日/看無船隻來來去去/看無毛蟹仔走來走去/看無
海鳥飛來飛去/規條街烏汁汁/將軍溪已經死去/已經互工廠兮毒水毒死(《黃勁
連台語文學選》頁251~253)

黃勁連ê 詩mā 寫故鄉ê 人kap 事，親像「討海儂」：

天未光阮就來出帆/無閒甲三更半暝/駛孤帆 四界踅/誅風浪
掠魚蝦/為著生活兮問題/受風受雨/日曝汗流/亦無一點仔怨切(《黃勁連台語文
學選》頁118)

「擔菜賣蔥」：

一知扁擔/兩奇草籠/為生活鑽活縫/街路邊 擔菜賣蔥……
有時風冷/有時霜動/為著阮厝內大小/即枝扁擔唔敢放(《黃勁連台語文學選》
頁147)

「阮阿伯」：

阮阿伯、真笑詼/今年雖然六十八/但是紅膏赤擮/喝酒拳、淋燒酒/一杯咯一杯/
一杯咯一杯/身體無輸少年家(《黃勁連台語文學選》頁149 )

「透早」：

透早、天未光/阿娘著起床/亦無食飯/就來離家門/戴草笠舉鋤頭/來咱兮田園
(《黃勁連台語文學選》頁155 )

「阮阿娘」：

阮阿娘，伊講/伊是天生業命/透早著出門/無閒甲日頭落山/伊無閒列削蔗根剝
蔗擇/伊無閒列搓草、壅肥/無閒佇埕尾疊稻草、絪柴/日頭赫爾大/伊無閒甲大
粒汗細粒汗(《黃勁連台語文學選》頁218)

「里長伯」：

里長伯真笑詼/伊看懸嘛看下/伊不時庄仔內/行來行去庄頭/庄尾巡道路/巡庄內
兮燈火

里長伯誠好做伙/喙裏齩一枝薰吹/伊定定佇店仔頭/講黃家來潭仔墘/開發兮經
過/講甲喙角全沫(《黃勁連台語文學選》頁245)

iáu 有一種題材是夢中ê 故鄉，親像「撐渡伯也」：

在搖動兮船車/在阮流浪兮生涯/在阮兮征衣佮酒痕/編織兮眠夢/一聲、一聲/一
聲長一聲短/即生，短短/抑長長兮一生/故鄉也佮我無緣
即款兮痛疼、故鄉/兮大圳、故鄉兮溪水/故鄉兮田園、故鄉兮/竹抱、故鄉兮柴
堆/故鄉兮黃家祖厝/祖厝前兮羨仔樹/參我無關參我無緣
親像撐渡伯也共款/阮在溪兮兩爿/撐來撐去---佇/台北城佮故鄉/之間兮河流/撐
來 撐去(《黃勁連台語文學選》頁211)

故鄉ê 一切，lóng 是黃勁連生活、感情ê 寄託，mā 是寫作、智慧ê 泉源。