顏志文客家之歌

● 三月介風
　

三月介風 有時從南方吹
三月介雨 落落又停停

三月介風 有時對北方來
三月介雨 落去愛拿唔

姑娘啊姑娘 這甘係妳介心情
姑娘啊姑娘 這甘係妳介心情

三月介杜鵑 開來滿山春
三月介桂花 開得夜恁香

三月介姑娘 打扮得花恁靚
夜來風雨停 盼郎帶花來

姑娘啊姑娘 這甘係妳介心情
姑娘啊姑娘 這甘係妳介心情

注釋：

落去愛拿唔：雨要下不下的樣子


●紙鷂
　

一條長長介線，一張薄薄介紙
兩枝竹篾綁共下，做隻紙鷂飛上天

三條花花介尾，四四角角介圓身
五月時節來放紙鷂，飛到天頂來聊

南風輕輕吹過，吹過妳紅紅介面
花香陣陣飄過，飄過妳花樣介笑容

紙鷂喂緊飛緊高，尋浮雲來做伴

紙鷂喂緊飛緊高，尋鷂婆走相趨

紙鷂喂緊飛緊高，飛到天頂高

註釋：

竹篾─用竹子削成的薄片
綁共下─綁在一起
圓身─身體


●我教你唱山歌
　

我教你唱山歌，對半夜到天光，我教你打採茶，唱過一山又一山。
我教妳打鑼鼓，咚咚嚨咚鏗咚鏘，我教你鋸大弦，咿咿哦咿一二三。

大家共下唱出來，唱到日頭愛落山，不分大小抑老嫩，唱到三更沒半夜。

恩就來唱山歌，你唱頭來我唱尾，恩就來打採茶，你打鑼鼓我鋸弦。

大家來唱山歌，對台北唱到屏東，大家來打採茶，對山頂上唱到海邊。
阿哥來打鑼鼓，咚咚嚨咚鏗咚鏘，阿妹來鋸大弦，咿咿哦咿一二三。

大家共下唱出來，唱到日頭愛落山，不分大小抑老嫩，唱到三更沒半夜。

恩就來唱山歌，你唱頭來我唱尾，恩就來打採茶，你打鑼鼓我鋸弦。


　●火焰虫

去年介熱天，你帶我去看，天空還沒暗下來，大家恬恬坐到池塘邊。
講話要細聲，正唔會吵到火焰虫，天色漸漸暗下來，大家都當緊張。

一隻，對東片飛出來；兩隻，飛到西片；三隻，對北片飛過去；四隻，緊飛緊高。

一隻、兩隻、三隻火焰虫；四隻、五隻、六隻像小燈籠；七隻、八隻、九隻算唔忒，全部都是火焰虫，真像星仔滿天飛。

今年介熱天，ㄣ再來去看火焰虫，一年不見，不知佢兜好不好。
今暗哺，今暗哺介星仔特別靚，又想起山頂上介小燈籠，唔知佢兜記得沒，ㄣ兜係好朋友。

一隻，對東片飛出來；兩隻，飛到西片；三隻，對北片飛過去；四隻，緊飛緊高。

一隻、兩隻、三隻火焰虫；四隻、五隻、六隻像小燈籠；七隻、八隻、九隻算唔忒，全部都是火焰虫，真像小燈籠滿山飛。

註釋：

火焰虫─螢火虫
熱天─夏天
恬恬─安安靜靜的
正唔會─才不會
當─很
東片─東邊
緊飛緊高─愈飛愈高
算唔忒─算不完
ㄣ─我們
佢兜─牠們
今暗哺─今晚
靚─美
唔知─不知
ㄣ兜─我們


●阿樹哥介雜貨店

伯公對門介大路唇，就係阿樹哥介雜貨店，一年三百六十五日都開張， 唔管博風落大雨。
店門口擺介幾張長腳凳，日晒雨淋嘛有幾十年，人客來來去去，唔知有幾多。

阿樹歌介雜貨店，從細人到大人，阿樹歌介雜貨店，對頭擺到這今。

離我屋下沒幾遠，就係阿樹哥介雜貨店，每日經過店門口，叔婆阿伯親切打招呼。
上頭下頭來介親戚好朋友，停下來坐聊，天南地北打嘴古，唔知夜已深。

阿樹歌介雜貨店，歡迎來坐聊，阿樹歌介雜貨店，打嘴古唔使納稅。
阿樹歌介雜貨店，從細人到大人，阿樹歌介雜貨店，對頭擺到這今。
阿樹歌介雜貨店，歡迎來坐聊，阿樹歌介雜貨店，打嘴古唔使納稅。

註釋：

大路唇─大路邊
唔管博風落大雨─不管刮風下大雨
唔知─不知
細人─小孩
頭擺到這今─從前到現在
屋下─家裡
打嘴古─聊天話家常

顏志文 / 恁久