星期六, 7月 05, 2008

詩想起

台灣台灣
又白又嫩的豆腐

他們來了
他們說
「祖國寶島」
「民族骨肉」
「兩岸一家人」
「我終於回家了」

台灣台灣
來一碗炎夏冰豆花
不用咀嚼
直接吞下去
------------------------------------

●我毋是中華民族〈by 陳秋白〉

  假使,我若因為使用漢語的關係,著講家己是中華民族的一份子,按呢,我的查某祖若知,一定誠悲傷。

  其實,毋免講到我的查某祖,假使我的後生、查某子,若對我講?因是中華民族的一份子,按呢我一定會真自責,自責家己對不起序大人,對不起這塊土地,對不起查某祖。

  我毋是中華民族的一份子,這毋免驚人知。我兜無祖譜,關係我的漢人祖先佗位來,我知影的,單是台南馬沙溝這?所在。我臆我的漢人祖先是施琅的兵仔,也馬沙溝是施琅來台灣落船的所在。馬沙溝,MA-SAKAU是平埔族的話「漁港」的意思,抑是咧講施琅的馬匹佇沙溝內翻沙拍滾,這對我來講無任何的意義。

  我毋是中華民族的一份子,這毋是啥見笑代,我的祖先有可能是一?學會曉講漢語的馬沙溝平埔查甫人,伊早當時因為自悲,替家己號一?漢人的姓,佇墓牌頂編家己是「穎川」陳氏的後代。

  我毋是中華民族的一份子,這無必要爭論,準講我的祖先真是施琅的兵仔,彼已經是三百幾年前的代誌。三百幾年前我的漢人祖先雙跤夾一粒囊葩到台灣,我的查某祖死了後無墓牌,無名無姓。我的查某祖伊無須要名佮姓,因為伊的後代陳秋白佇這塊土地繼續湠伊的靈魂佮精神。

0 Comments:

張貼留言

<< Home