星期六, 9月 03, 2011

頭那頂藍藍个天空

頓恬个雲(dunˋ diamˊ ge iunˇ)
by 邱一帆

頓恬个雲
dunˋ diamˊ ge iunˇ
擎等遮仔
kiaˇ denˋ zaˊ eˋ
在半天高
cai ban tienˊ goˊ
頭低低仔緊看
teuˇ daiˊ daiˊ eˋ ginˋ kon
腳下青溜溜仔个樹林
giogˋ haˊ qiangˊ liuˋ liuˋ eˇ ge su naˇ
跈等微風
tenˇ denˋ miˊ fungˊ
輕輕仔搖擺跳舞
kiangˊ kiangˊ eˋ ieuˇ baiˋ tiau vuˋ

頓恬个雲
dunˋ diamˊ ge iunˇ
擎等遮仔
kiaˇ denˋ zaˊ eˋ
在半天高
cai ban tienˊ goˊ
頭臥臥仔緊看
teuˇ ngo ngo eˋ ginˋ kon
頭那頂藍藍个天空
teuˇ naˇ dangˋ lamˇ lamˇ ge tienˊ kungˊ
跈等微風
tenˇ denˋ miˊ fungˊ
定定仔變換身裝
tin tin eˋ bien von siinˊ zongˊ

頓恬个雲
dunˋ diamˊ ge iunˇ
無頓恬个步腳
moˇ dunˋ diamˊ ge pu giogˋ
在hong床到上床之間
cai hong congˇ tungˇ songˊ congˇ ziiˊ gienˊ
生動个影像
sangˊ tung ge iangˋ xiong
總係無閒情欣賞
zungˋ he moˇ hanˇ qinˇ hiunˊ songˋ

頓恬个雲
dunˋ diamˊ ge iunˇ
無頓恬个步腳
moˇ dunˋ diamˊ ge pu giogˋ
在目開同目眨之間
cai mugˋ koiˊ tungˇ mugˋ sabˋ ziiˊ gienˊ
靚靚个畫面
jiangˊ jiangˊ ge fa mien
總係毋記得留戀
zungˋ he mˇ gi dedˋ liuˇ lien

0 Comments:

張貼留言

<< Home