客語詩集

范文芳＜娘婆个故事＞


古時代个平頭百姓
就像菅草一般無價值
古時代个詩人
也識感嘆菅草開白華
開荒个台灣人
將草菅頭挖起來開田
不知情个台灣少年
將滿山芒花當做春江蘆葦

家鄉个父老
將芒草喊做娘婆
嫩个割來分牛食
老个割來蓋屋頂
家鄉个父老
將芒花喊做娘花
阿爸割下花梗紮掃把
阿娘拿起娘花掃地泥

娘花無像桐花恁雪白
佢有一兜蒼茫
娘花無像也將恁香氣
佢有一身草味
娘花無像牡丹恁華麗
佢有一息个強韌

台灣人个命運
就像菅草
在燥乾乾个山崬頂
拼命盤根生芽
農家人个命運
就像娘婆
在十一月个山風中
硬撐佢个艱苦
客家人个命運
就像娘花
在蒼茫个暮色中
徘徊觀望


黃 恆 秋 ＜ 九 湖 个 杭 菊 ＞

一蕊花仔
有千萬種个打扮
歸田坵个杭菊
散發出滿田洋个芬芳

當 久 毋 識 轉 故 鄉 个 我 （ n ga i ）
經過九湖村
 毋知奈久做好个大路
一個細阿妹仔
摘一枝菊花分我鼻
講愛分我帶轉屋下去插

一句短短个、天真个言語
就有千萬種个感情
一枝菊花
分 我 分 我 想 kia 暗 晡


黃恆秋＜汝記得無？＞

還記得
細細个時節
青青个田洋
lou狹狹个屋家

還記得
闊闊个禾埕
飛上飛下火焰蟲
lou生趣个撮把戲


還記得
西片白白个河灞
大大个石頭lou驫上驫下个
蝦公lou蝦蟆


還記得
東片大嫲條个火車站
老老个細姑度等孫仔
轉妹家帶來好吃个等路 lou cie粑

還記得
幼幼个竹籬笆lou高高个老榕樹
歸庄人共下料涼打嘴鼓
食等蘿蔔粄lou蕃薯簽个下晝



邱 一 帆  ＜ 屋 後 背 个 老 樟 樹 ＞


硬直个一面
係你在駁崁頂
抓著
蘊育生命个土地
恆恆

係你在山頂高
掐著
保存性命个土地
核核

在軟弱个雜樹叢中
表現
若个堅強
在搖擺个野草叢中
體現
若个硬直

你孤高个身影
毋驚蟲害
毋驚風颱
總驚
青暝个人類


利 玉 芳  ＜ 掛 紙 ＞

出世做山中人
過身又歸還山
歇山毋使高
有風有水
鳥仔飛來同你唱歌

一年一次等春分
跋山个路人頭磬磬
K ha i 等 三 牲 果 品
K ha i 等 一 擔 相 思 情
一步一步去探親

除草正知自家人
掛紙正知子孫心
-------------
邱一帆＜都市印象＞

高高 越來越高个大樓
闊闊 越來越闊个大路
金金 越來越金个電火
錢多
人多
車多
該鬧熱个城市
該繁榮个都市

高高 高高高个大樓
闊闊 闊闊闊个大路
金金 金金金个電火
錢多多
人紮紮
車塞塞
該希望个城市
該理想个都市

無山無水
無鳥無魚
無樹無林
無花無草
該無敨氣个地方
該無生命个所在


曾貴海＜肖應＞

佳冬六根庄頭庄尾
挫上挫下
沒人毋識肖應
著一領油粕粕个爛衫褲
頭那毛長到膝頭
想到了就大喊一聲「好！」

毋知伊好麼介
沒妻沒兒沒頭沒路
身上沒帶半文錢
人生到底好麼介
倚佇路角
看故鄉人來人去
慢慢个
故鄉个河壩田坵海岸巷路
變款又變樣
還小時節个佳冬去那了

毋識同庄肚人講過話
每日惦惦看著故鄉
暗了，正尋新開个路歸去

肖應：作者故鄉的一位精神病患。
油粕粕：沾滿油漬。
沒頭沒路：沒有工作。
倚佇：站在。
小時節：小時候。
---------------
利玉芳＜拜揶＞

聽講羅浮山个大廟盡有靈
點香拜神明
神个目珠擘金金
坐到正正我等同佢講細話

我講
我適海峽該片來
翻山越嶺歸原鄉
我麼个都毋敢想
靜靜愛求一項

保庇我等平平安安轉台灣
原鄉个百姓上萬上億
生活清苦賺錢不容易
分佢兜人食祿同福氣
---------------------
曾貴海＜平埔客家阿婆＞

一張老婦人家个相片
係麼人呀
消失个平埔族个老婦人家
流落佇客家人屋家
變做我阿婆

一百零年前，這兜台灣平埔族
不知不覺失去踪影
變做沒歷史記憶个人群
今暗晡，時間會跨﹝kian ﹞過年檻
歷史不得不放棄一息負擔
拿著平埔客家阿婆个相片
攬著一大堆家族相簿
真驚這兜台灣客家个記憶
也會像平埔族
變做歷史个負擔
------------------
鍾肇政＜你係台灣疼惜个＞

你係恩台灣 美麗之島疼惜个
那毋係 你仰會來到這
無論係幾十年前 幾百年前
深深个黑水溝 滾滾个風lou浪
千里迢迢 就係為了自由 為平等

你係恩台灣 美麗之島疼惜个
那毋係 你仰會來到這
無一定係幾千年 也係幾萬年
越過滔滔黑潮 毋驚萬頃碧波
為著探尋一塊新个天地

你係恩台灣 美麗之島疼惜个
那毋係 你仰會來到這
從古早古早一直到永遠永遠
扁柏檜木樟樹 伯勞鳥灰面鷲
這係恩安樂之地 這係恩和平之鄉

恩攏總係台灣 美麗之島疼惜个
那毋係 恩仰會來到這
恩个根在這 恩个夢也在這
恩也來疼惜佢 恩也來愛護佢
因為恩大家都係佢所疼惜个

---------------------
曾貴海＜故鄉个老庄頭＞

還小時節老人家常常講起
三山國王廟个山神
騎白馬飛天衝去隔壁庄
踏爛伊等个村庄廟壇
原來，我等拜个係戰神
家鄉下六根庄个圓形村落
起滿土磚瓦紅磚屋同端正个大伙房
外面圍著樹林齧竹河壩

庄肚路面只有四公尺闊
屋家黏屋家
家門對家門
庄路對廟中心向四邊伸出去
伸到東西南北柵門口
柵門附近還有五仔鎮營神
歸只庄仔像一只軍營
保護庄內緊張个客家移民親族
三百年前左右來到這裡

一代一代傳落去
漸漸个，有人搬去柵門外
一九九○年以後
東柵門滣後，鄉公所對面
剷開三條隔沒五十公尺个大路
舊式客家建築一隻一隻倒塌
鄉親佇巷仔內行出行入
謹謹慎慎過日子
等有錢時節起洋樓

----------------------

吳尚任＜美濃老農＞

要出發咧
看不到希望个烏暗
蓋等美濃
看不到尊重个烏暗
佇一旁
冷眼看等
看不到生命个烏暗
想要一口
吞食忒
黃蝶發生个山谷
「唉！仰會恁樣？」

這首詩很長，主要描述晚上坐在遊覽車裡，和車裡的老農談話，一邊想著老農和美
濃的處境，想著山谷裡的黃蝶不知會如何？因而不禁留下眼淚。詩人關心美濃的生態問題，擔心美濃會受到破壞而憂心忡忡。
位於高雄縣的美濃，是少數至今仍保有完整客家文化與客語使用的聚落。美濃地區
不僅富有濃濃的客家味，當地優美的景色生態、居民對土地的熱切保護與客家文學人文風氣，皆是美濃地區的特色。
美濃有兩大著名的自然區，一為笠山，一為黃蝶翠谷。黃蝶翠谷位於笠山之上，山
谷中有許多珍貴的黃蝶，是台灣保育黃蝶生態的重要地方。而笠山則位於美濃入口處，看到笠山便知道美濃到了；台灣文學作家鍾理和所寫的《笠山農場》即以此為場景，而著名的「鍾理和文學紀念館」也位於處。
由於美濃同時具有人文薈萃與自然生態的重要因素，因此，1992 年美濃鄉親發現水庫的興建將危害深遠，破壞美濃自然景觀時，鄉親們便開始凝聚力量，準備為反水庫興建而抗爭。自八○年代至今，長期投入綠色革命、鼓吹環保的曾貴海，就曾經為了反水庫而寫了一首相關的客語詩＜假使美濃會起水庫＞，詩的第一段是這麼寫的：

一條幾億噸个水龍
日日夜夜
想要衝下來吞殺歸庄人
半夜醒來
會聽到河壩叫泣个悲聲

詩的第一段所寫的是，假使美濃蓋水庫的話，那麼將會破壞原有的地質，笠山會崩
塌，水庫流下大量的水會伴隨著崩塌的笠山，淹沒住在山下的美濃居民。詩人在詩中所寫的，原就是美濃鄉親對於蓋水庫此事最大的恐懼，也是反對興建水庫之因。如果水庫蓋在美濃是不恰當之舉，卻又要興建，詩人擔心假使美濃被淹沒，那麼就會「電鋸會鋸盡山頂个樹林╱變做一棟一棟高級洋樓」，而且「街上沒人想講客話╱親切个鄉音╱只有對老夥房傳出來╱鄉親會賣田賣地╱客家人會變成人客╱食飽後就要惦惦離開」。
人稱「綠色教父」的曾貴海，長期致力於維護台灣本土生態而努力，為了避免因興
建美濃水庫而破壞美濃生態、毀壞美濃客家文化，曾多方奔走改善大高雄水源，尋找替代方案；不僅如此，他曾經組織「衛武營自然公園促進會」，又發起「保護高屏溪運動」，在《被喚醒的河流》書中，詳細記錄曾貴海反對興建美濃水庫及推動「保護高屏溪運動」