黃勁連

 詩人黃徙在臉書舖出，詩人黃勁連身體有恙近況 ，聞之感到心有戚戚焉 。想起很久以前 ，他還在讀台北文化大學，一封信寫到屏東鄉下還讀高中的我 ，邀我加入主流詩社，一眨眼50多年前的往事了。後來他意氣風發，創設大漢出版社和語文中心。我後來也陸續結識，社友杜文靖羊子喬黄樹根王健壯莊金國吳德亮等等。人年紀大了，體況衰退是必然現象，寄上無限祝福。

@

年紀入秋

時間秋風一吹

烏黑頭髮越吹越白

臉上無聲無息

一夜間，被人生的

落葉佔滿。入冬後

獨坐禾埕，用從前

曬金黃稻榖的日光

曬自己

陳美燕客語詩

 

客語詩个新詩路   陳寧貴

 

陳美燕係客家優秀女詩人 ，在客家詩人裡肚，伊做得運用客語精準直接思考書寫，故所伊个詩作，含蘊客語原汁原味个淰淰味緒，過分人欣賞个係，伊有開濶客語詩思路，表現出創新个詩質。

 

這本詩集《單單一蕊打碗花》，分輯一到輯五共66首詩。

 

輯一「起一隻音」：曉講母語个人，乜愛起一隻音，分後輩人跈等講，母語正有傳承。「母語接線」：阿婆渡孫摎佢兜講母語，下二擺母語接等祖孫兩頭个線。「我个筆」：多歲咧我个筆倒轉來寫客話，天經地義無人做得限制這係母親个話語。對母語有盡深感想同期望。分人愐想老古言，寧賣祖宗田，莫忘祖宗言个精神。

 

輯二「無頭無尾」，寫出女性幽微个心事，「無頭無尾」一詩對應客家女性品德个「四頭四尾」：針頭線尾、灶頭鑊尾、田頭園尾、家頭教尾。作者用趣妙筆法：「你會擎針無，會安鈕仔。你曉煮食無，我老公煮較多。你識改園無，擎钁頭毋贏。你知三從四德無，毋多知。阿姆哀，人儕餔娘人四頭四尾 ，你嗄無頭無尾。」輕鬆表現從頭擺到今下時代女性个變化，分人感到會心一笑。還有「大姊行嫁該日」這首既經由羅思容改編為歌曲个〈你行嫁該日〉，寫出女性出嫁个心情：「故鄉該條河壩滋養恩俚到大，你行嫁該日河壩當恬靜，聽毋著水个聲音，就像你坐在間肚，也聽毋著你噭出聲。」用恬靜河壩來鏡射，分人看著作者詩想个特出，讀來像河水恬恬流動在心肝肚。

 

輯三「石跳仔」，「石跳仔」這首詩係第七屆教育部閩客語文學獎，客語現代詩社會組首奬。石跳仔，就係鋪在淺水或泥地項，分人踩踏行進个石頭。這首詩取材新穎，見人所未見，用擬人化表達，寫出盡完整石跳仔各種面向，詩个表現手法，就像作者親身溜掠行過石跳仔共樣。第一段寫山坑面个石跳仔：一隻連一隻，像阿公阿婆彎彎个背囊，痀在水竇，老人家無講出嘴个痛惜，在這向輒輒吩咐，定定仔，細義行，堅耐个石牯，分我細步細步徙到，平安个對向。第二段寫水圳面个石跳仔：一隻連一隻，像爺娘打開燒暖个胸脯，坐在水竇，子女無注意个毋盼得，在這向恬恬期待，腳步正，莫停跎，定疊个基石，分我一步一步行到，順序个對向。第三段寫河壩面个石跳仔：一隻連一隻，像先生弓等砸磳个肩頭，跍在水竇，學生體會毋著个心力，在這向再三叮嚀，心肝在，向前行，穩當个磐石，分我大步大步行到，理想个對向。最裡尾結論：無生溜苔个石跳仔，分恩俚跢核核，安全通過逐條，人生無共樣个坑壩，無求回報个石跳仔，也歡喜恩俚，再過踏轉，出發个對向。…表現手法純熟 ，詩心獨運，詩意前後延綿呼應，分讀者感受心肝頭燒燒暖暖，這內涵乜做得引申世間人都係石跳仔，愛互相牽成。

 

輯四「花摎俳句」，十四首詩，寫花摎俳句各七首。「單單一蕊打碗花」(這首詩改編為同名歌曲，由陳鴻全作曲、演唱，得著2021年新竹縣客家新曲獎第二名，同時得著「最佳作詞獎」)客語詩摎歌曲合作，對客語詩个流傳，乜係盡好个想法，這首好詩共樣提昇客家歌曲水準。另外七首客語俳句，係實驗性作品：

@日落西山背 (客俳5-7-7)

日落西山背

等晝等暗人毋來

半夜黃狗吠

@月夜   (客俳5-7-7)

汶汶个月光

蟲𧊅牽聲放勢唱

水蛇泅過田中央

(讀來盡有日本俳句味緒。)

 

輯五「童詩摎孫」十六首詩，裡肚作者阿婆同孫女共下搞聊寫个詩，係這本詩集最生趣个詩，在面書發表時節，盡受到面友歡喜。像「孫女三個半月」：阿婆揇著， 嘴扁扁緊噭，仰會恁樣呢，阿婆又無偷捏你。又「惜惜阿婆」：過兩日問佢，仰般惜惜阿婆，佢手擎起來，將𠊎个面抨落去。年輕讀者讀來會哈哈大笑，上年紀个讀者讀來，愐起頭擺婆孫搞聊，一下間會有返老還童之感。

 

陳美燕這本詩集，單淨六十六首客語詩定定，無故展現各種體裁，摎創作表現手法，為未來客語詩開闢新个詩路。