星期三, 6月 27, 2012

地泥

橡棋林个故事(一)
◎范文芳
話頭
裏篇文字,係講一處客家莊,現下安做竹東,頭擺在地人喊佢橡棋林,地方誌書个記載,官方稱呼佢樹杞林。𠊎想愛用現代知識,裏隻客家莊个歷史、地理、人文,學習佛教个方便法門,暫時借用漢字來書寫,語言本質係台灣客家話,文章形式係章回小說。

第一章 台灣个歷史
受漢文化教學个影響,在台灣島上个居民,大部分有腳下幾點錯誤个認知摎認同:
1. 台灣个歷史無超過四百年。其實裏種講法,係企在中國漢文化个立場,第一種誤解,講「歷史」窄化為「人个歷史」,第二種誤解,將「人」窄化為「漢族」。
2. 台灣係化外之地,野蠻人奈有麼个文化!
為了講清楚台灣个歷史,𠊎必須分幾下回來解說。

第一回 地泥个歷史
台華語常用「土地」一詞,台福語慣用「土下(音ka)」,台客話慣用「地泥」。
頭擺頭擺,大約一千萬年前,地球識發生當大个地殼變動,台灣島從太平洋西側凸起來,經過長時个火山爆發,正慢慢穩定下來,從外表看出中央山脈、雪山山脈、海岸山脈,從地表看出高山有四千公尺,大條个河壩從縱向个山脈向東西兩片奔流。
裏隻海島,從南到北,大約四百公里,從西到東,大約八十公里,最南端算熱帶氣候,其他地區算亞熱帶氣候,在太平洋个洋流經過台灣島再往日本、高麗流過去,帶來季候風、雨,在太平洋西岸有火山斷層帶,台灣也不幸常透會發大水、發風災、還有大地動。不幸之中,也有得天獨厚个好處,有高山縱谷、有河流海洋、有充沛个雨水、有四季个變化,地泥上个植物動物,地泥下个礦物都非常多樣,難怪葡萄牙人在差毋多五百年前,就用讚美个口氣喊出Formosa,中文翻譯係美麗之島,台福語可譯為足水个島嶼,台客語可譯為恁靚个地方,賽德克語可能就直稱Balay!

第二回 草木禽獸个歷史
有土地、有水份、有日頭,正會產生生命,地球上个生物,可能有十億年个歷史。台灣島有一千萬年个歷史,島上个動、植物,也差毋多有一千萬年个歷史,島上有人類出現,可能無超過十萬年,漢人移民台灣,不過五百年个短短歲月。
台灣島上有非常多樣化个原生種蝶仔、鳥仔、魚仔、蘭花、竹仔、樹仔,經過千萬年个歲月,也有海風、潮流、動物帶過來个外來種,假使水土無合,就會死亡絕種,假使想愛在這處土地生養、定居下來,愛經過調整、適應个過程,正做得生存下來,該就變成台灣種个草木禽獸。
櫻花鉤吻魚變成留在台灣山區个特有魚種,台灣合歡樹係南洋遷徙過來个樹種,最後生个外來種,安做小花蔓澤蘭,已經造成台灣土地上个麻煩!

第三回 臺灣人个歷史
根據科學个推論,人類个先祖,係靈長類个哺乳動物,差毋多二十萬年前,在今下个非洲中部,開始演化出來用兩腳企起來行路、走跳个人種,其大腦个容量,腦部个皮層皺摺明顯比較猿猴、猩猩又過複雜
裏種新个哺乳動物,又快速演化、遷徙,分佈到歐、亞、美、澳...等地。每一處人類生養个土地,因爭有其特殊个地形、土質、氣候、雨量、溫度,就形成特殊个動物、植物,當然人類也隨著土地、歷史調適其生活方式,千、萬年下來,平平係人類,其身裁、膚色、性情都會形成各色各樣个人種。
台灣島上个人類,有科學根據个講法,大概有五萬年前个Indonisia,其後代就係現下台灣个十過族原住民,大概个推論,Indonisia人係從非洲,經過印度、亞洲南邊,一直遷徙到太平洋各處海島。
人類歷史个十五世紀,有了進步个航海技術,加上認知到地球係圓个,歐洲个白種人,開始回到非洲去殖民,渡海到美洲、澳大利亞、紐西蘭;亞洲个黃種人,也從北向南遷徙。
漢人來台開墾,盡早係十五、十六世紀,該時島上早就有原住民,裏種情況,美國摎台灣有兜相同个歷史。英國清教徒為主个白人,冒險遠渡大洋到新大陸,想愛建立新个國家;亞洲東南沿海个部分漢人,冒險渡海過台灣,也係想愛尋著新个家園,這係移民个本質。英國、法國、西班牙等國个政府,想愛掌控、利用、統治、剝削非洲、太平洋海島、美洲,裏係殖民。漢人、滿人建立个中國政府,對台灣个態度,就像英、法等國對美國、加拿大个態度,係統治、掌控、利用,裏毋係「移民」,裏係「殖民」。
十八世紀以後,美國、加拿大慢慢獨立起來,建立自家个國家,台灣人个歷史就比較衰過,經過荷蘭、西班牙、滿清、鄭經个殖民統治,並無發展出追求獨立建國个共同意識。
滿清政府,因為同日本戰爭失敗,將台灣割讓分日本,裏已經係十九世紀末年1895哩!
日本政府對台灣,本質上也係殖民,假使有差別,就係日本政府用西化以後个現代化觀念,來建設台灣个衛生、醫藥、郵政、交通、教育,裏部份摎傳統个漢人文化、原住民文化有盡大个差別。
經過荷蘭、西班牙、滿清、日本个殖民統治,台灣漸漸形成自家个文化,裏種文化,既經不同於漢人个傳統文化。

台灣首部台語文學史出版


方耀乾新書《台語文學暨書目彙編》新聞報導


自由時報2012/6/27報導
方耀乾發表 首部台語文學史問世


聯合報2012/6/27報導
明清寫到現代 首本台文史出書


中華日報2012/6/27報導
方耀乾出版台語文學史


勝利之聲2012/6/27報導
台語文學史暨書目彙編問世
http://www.e-go.org.tw/victor/news_detail.asp?CateID=1&NewsID=19948









〔記者洪瑞琴/台南報導〕第一部台語文學史問世了!
台中教育大學台灣語文系教授方耀乾撰述的《台語文學史暨書目彙編》,昨於國立台灣文學館發表,從明清時期的台語民間文學,清領末期的白話字文學,到日治時期的台灣話文論爭與歌仔冊文學,再到戰後的台語文學運動與作家文學,都有翔實歷史脈絡縷析,見證四百多年來台語文學的流變與發展。
方耀乾表示,全書厚達三百多頁,並附九十頁的台語文學作品書目,證明台語文學作品近三千冊,粉碎「台語文學只有台語,沒有文學」的論調。
方耀乾說,台灣文學史相關書寫世見廿多本,十多本是來自中國,多以「台灣自古來即中國不可分的一部分」觀點立論,《台語文學史暨書目彙編》就是要以「我」為主詞,從台灣主體論述,他花十四年時間收集完成,也是累積諸多前輩心血才有的,「這不是最好一部、也不是唯一」,只是拋磚引玉,期待台語文學史枝葉繁茂,為台灣這塊土地留下更多璀璨記憶。
方耀乾也道出內心憂慮,不少研究台灣文學的學者或基於看不懂、或基於意識形態不讀台語文學,台灣約廿個台灣文學、台灣語言的系所,理當至少平均一所一位台灣母語文學專業學者,但事實上專業學者不到五人,台灣母語文學高等教育暗藏危機!


訪談


  客語詩人陳寧貴訪談錄          

國立屏東教育大學客家文化研究所
張國良編寫
●我用客語文字書寫,經過多次的SKYPE訪問,而且大量閱讀陳寧貴的作品,由於他的作品量多,且加上他的部落格,真令人驚訝的多,時間緊迫,也許流於只及於皮毛,本篇不僅以客語文字書寫,也以第一人稱敘寫,就怕先生覺得不對,冀望見諒了。

.前言
    我个人生過歇一半過加又再加,這恁多年來,陸陸續續,有大學研究生研究𠊎个東西,有客家電視台訪問,甚至大陸北京電台乜來訪問、採訪,訪問單位講,「陳先生,你寫个華語詩、散文、小說恁多、又恁登,這下又專門在寫客家詩,實在無簡單,想愛來訪問-----。」
    我一方面心中暗暗吔歡喜,一方面就愁等來,我寫出來个作品,好在有人打眼,故所歡喜,毋過𠊎就緊愐,係毋係年紀差毋多吔,來拜訪我个人恁吔愐「這陳寧貴年紀事有吔,無搶快訪問佢,過兩年添係走忒吔,就看毋到人吔!」毋過我講,我一等耐命,我个能量一等大,還有一等多東西放啊在个電腦肚,寫到死應該無問題。
哈!哈!歕雞胲!

.出世讀書到高中畢業
    民國43年出世在六堆地區个屏東縣內埔鄉富田村,吾公手吔,對日本時代就開漢藥房行醫,我過大一息,差毋多五歲左右,搬到屏東縣潮州鎮,吾爸做中藥个生理,我就在潮州讀幼稚園,毋過讀小學時節又搬到屏東縣竹田鄉福田村,讀西勢國小,初中就讀縣立林邊中學,頭擺我等愛讀初中,係愛用考吔,考毋著初中,就在屋下作事掌牛;毋過考毋著初中,屋下係有我又想愛讀書,就拿錢去私立學校用貼吔,好在我就考一著,過後就毋使考試个國中。
    讀林邊中學時節,我就對寫文章作文非常有興趣,常時校內作文比賽,拿到第一名,因為讀書交通毋方便,插班轉內埔中學,在內埔中學時節,作文、寫毛筆字,乜常時得名。
    高中讀屏東中學,民國60年轉美和中學,高二開始在水星詩刊發表詩作,當然這下係用華語寫个;第一篇詩「路之形」,該時節分優秀詩人黃勁連邀入「主流詩社」,同時有王健壯、莊金國、黃樹根、羊子喬、吳德亮---等恁多作家,這下佢等在文壇都有一席之地。

.大學以後个藝文之路
    高中畢業,民國62年入國防管理學校,出來就食軍人个頭路,做行政官,民國6970年,最煞猛最認真个時期,不管在創作、風評、名氣方面都有毋會差个成果,在台北主辦大型詩同民歌演唱會,同ㄧ陣後生頭腦又新年輕作家共下討論、創作;該下有氣猛、有目標,故所有創出小小个名聲。
71年加入陽光小集詩社,推動現代詩同民歌運動,有幾下首詩同作曲家韓正皓合作,如「傘」(李宗盛木吉他合唱團演唱),「居」(羅吉鎮演唱),流行ㄧ時。
72年在幼福文化影音出版公司擔任總編輯,出版兒童文學有聲書,又何嘉仁美語合作出版兒童美國話會話CD
79年同旅美前輩詩人彭邦楨籌畫—詩象詩刊
83正開始創作客家詩。
    恁多年來,怕有嫩十年囉,我罕得在藝文界出現,對任何採訪能閃就閃,寫作係屬於個人事,不求名乜毋使緊講緊喊,桂花無風自有十里香,係無?

.客語詩个困難
    客語詩个寫作,實在無簡單,我在《客語詩的發展軌跡肚講,二十年前,有一个鄉親喚我寫一篇客語詩畀登,因為佢睹好愛編一份客語雜誌;我本身講客話無問題,但係愛用客語寫詩,絕對屙毋出,我認為這個鄉親係同我講笑个。確實,愛將客話變哪文字,無恁簡單,特別在二十年前,客話根本無字眼,連資料都難得尋。
    1990年,民國79年,台灣第一本客家詩集《擔竿人生》,黃子堯 也就黃恆秋先生創作出版个,佢在書中頭頁就講,第一首寫个客語詩「懷念阿姆」,心中非常感動又驚心,短短三段十五行詩,寫吔會半年,又還邀請客語學者羅肇錦先生用萬國音標注音;驚啊人看毋識,
人看毋識,愛寫來做麼个?就安到有字个天書啦!送分人就嫌衰!書就係愛人看得識,正有人看,正有影響力嘛!我𠊎講恁多,就係講寫客語詩个難,嘎做麼个會恁難呢?
    這下五十歲以上个人,講客話無問題,但係愛用客語寫作就有問題,因為佢等入小學前,阿爸阿姆同佢講客話,入小學過後,完全用華語講、寫、用,甚至歸到屋下有一半个父母親乜用華語同細人仔溝通,五十歲以上有讀著書个人,繼續用華語方式思考,客話思考方式在不知不覺中嗄消失歇哩,親像溫水煮蛤蟆吔,等到知燒就知愁吔!恁吔情形,想愛用客語來寫詩,絕對有問題,愛硬屙乜屙毋出;愛寫可以,愛經過清苦个自我學習,學習這个客話用語。

. 个客語詩
    我蓋有興趣寫歷史詩,發表个華語詩集《商怨》就有「商怨」這首歷史詩,這三年來我寫个客語歷史詩「面對---碎裂之戰」,寫1563年,平埔族反擊中國海賊林道乾个事蹟,我用平埔族人个觀點來寫,
平埔族人實在無法度忍吔,海賊林道乾賊眾,見堵著平埔族人就殺,
甚至用平埔族人个血,合泥灰來造船仔,用頭那毛來打索仔,故所平埔族个人計畫好勢,利用暗摸叮咚个暗晡頭愛來㧾海賊,無拼死路一條,拼就有命。詩開頭係恁吔寫个:

暗到同墨水共樣
我等蓋像佇墨水肚
恬恬緊泅

一隻一隻介猴仔、鳥仔
一頭一頭介樹仔
全部都睡落覺
連透氣聲也聽無到

幾暗?像墨水;幾恬?敨氣聲都聽毋著,敨氣聲都停歇哩。
嗚呼!原來海賊先得到消息,海賊个銃仔砰出來

黑玻璃突然 
~ 開 ~ 四 ~ 散 ~
銃子像恁毒虎頭蜂穿入我等介
頭那
胸脯
肚司
手腳

平埔族人毋驚死,守護家園,台灣个家園,麼人來,麼人占,怪就怪平埔族人,無早聯合好勢,對頭到尾,就係講族群愛過精神哪!

日頭一出來
分人看到台灣
處處黏等血紅介歷史

赴毋掣哩!族群愛合作,愛過精神哪!愛永久記得!
    還有「面對---天光日」个詩,係寫朱一貴事件个情形;客家人就係在原鄉困苦過日仔,苦到日子過無下去,想愛尋一個安身立命个所在,聽著有一個台灣恁好个所在,不管該台灣在天無恁遠,還愛經過會食人个烏水溝,千辛萬苦,千山萬水,真式到吔發夢都會偷笑个所在,這台灣毋係毋使作就有好食个所在,又乜愛煞猛打拼,正有辦法建立自家个家園,千斤萬擔,暫時可以放落來,仰又來一個朱一貴,仰會做得呢?仰會做得呢?故所我恁吔寫:

清康熙六十年西元1721
得人驚消息
比箭仔還較遽較利
直直射入客家庄人心肝頭
   
客家人係一等硬程个族群,仰做得分人欺負,故所我恁吔寫---

共下用雷公聲宣誓:
我等客家家園同客家命脈,
我等定著會再用銅皮鐵骨保護等!

這又係客家硬頸精神,千辛萬苦得來家園,血水、汗水建立
家園,再苦再難又乜愛撐等,做毋得橫歇。

頭擺該恁紅鮮血
流在客家家園
一點一滴
蓋像忠義種籽
在六堆大地發芽
既經開出盡靚
台灣之花

台灣無客家族群,無恁靚个台灣。我等愛鄉愛土,愛國家,別个族群
愛特別尊重我等,我等同別个族群共下分享現下个安樂。
    還有一首「面對----臨暗」,1895年,日本愛接收台灣,因為中日甲午戰爭清朝戰敗,台灣割讓分日本,客家族群,北部桃園、新竹、苗栗个客家人,毋願意分日本人統治,聯合起來打響乙未戰爭,
南部个六堆組織,乜同時起來反抗,南部个乙未戰爭乜打響起來,
「宰相有權可割地,孤臣無力可回天」,丘逢甲个詩,講出客家人反抗日本人接收台灣悲慘命運,六堆,一個地方團練武力,仰有辦法抵抗日本个國家武力,客家人又再一擺保護自家安身立命个家園,到裡尾𠊎係恁吔寫个:

到裡尾,留下肉身
分台灣大地做肥料
留下英魂,親像山櫻花
飄滿客家鄉土

我緊寫緊流目汁,寫歇哩,心中有萬般想法,千針萬刀,割出客家人个悲情,用命來守護家園,一代傳一代,永久愛記得!
    「面對---碎裂之戰」、「面對---天光日」、「面對----臨暗」,這三首詩,係我這恁多年來過有意義个三首客家詩,毋驚人,寫出我心中个尊敬同佩服。

.結語
    我在「客語詩的再審思」中講著,恁多年來,寫客語詩作品、題材,有重疊个現象,確實,客語詩作品出現還毋會蓋久,客家詩人寫出盡鄉土个事物,寫出自家生長个背景,寫出自家最熟似、最感動个人、情、事、物,這兜事物就係感動族群共同記得个過去事物,就像陳永淘、顏志文个客家歌,聽項起來特別有味緒,有感情;驚啊每一個作家寫相同个題材,嗄分讀者感覺緊看都差毋多个作品,仰無過異樣个作品呢?
    目前我過愁吔又係,40歲以下个客家文學家,毋知有辦法接手,
將客家詩寫出過無共樣个題材,過分人感動文章;這下客家文學,用客家文字寫个,大部分在客家詩个部份,客家散文、客家小說,還一等少,𠊎等這方面愛來加油正著!客家人加油!


-------------------------------------                 
 客家文學作家陳寧貴        張國良紀錄
    陳寧貴老師在客家文學作家中,可說是純正的客家文學作家;出生六堆客家地區的內埔鄉,且從民國八十三年就開始以客家文字創作,後來並在自由時報言論廣場每一兩週發表客語詩,長達近一年,空前之舉轟動客家母語書寫界;他早在高中求學時期,約在民國六十年初就投入文學創作,當然早期作品是以華語書寫,且其華語作品不管是質或量,都讓人驚艷,因為經過華語的精鍛,華語詩寫得好,同樣寫客家詩其品質就會要求越高,所以開始客家詩的創作,作品就更讓人驚艷其功力了。

問、老師您覺得要怎樣才能進入到客語詩的創作?
  : 大約20多年前,民國79年左右,我在師大路的出版社時,小說家吳錦發在編一本客家雜誌,向我邀稿寫客家詩,當時反應是不可能。怎麼講呢?
     因爲我們從幼稚園開始,一直到大學學業告一段落,都是受華語的教育,
     思考方式皆以華語方式思考,客家語的思考方式,包括說客家語,在不知
     不覺中幾乎消失殆盡,就像溫水煮青蛙,等到青蛙感覺不對勁,已經來不
     及了;所以說要用客家語寫詩太難了,那時候客家語常有音無字,寫的客  家語法中的客家字,必須不斷的推敲用字。好不容易經過十餘年的發展下來,才有目前客語詩的創作局面。去年客家女詩人江嵐以客語詩參賽,還獲得南瀛文學獎的詩首獎。可見客語詩已獲得有識之士的肯定,其品質或又躍進了一大步,
     才能在佳作如林的競賽中脫穎而出。
         不時接獲年輕朋友詢問客語詩書寫的問題,我知道許多年輕朋友對母語書寫頗感興趣,但對如何進入卻也頗感困惑,由於我們的教育與母語書寫完全脫節,自從我們七歲進入小學後,我們腦袋裡的母語思想路徑,就慢慢地被華語悄悄掉了包,到後來可能連說母語都不輪轉,而且已習慣用華語思考了,因此
     要進入母語書寫園地,彷佛找回自我原始的臍帶回歸出生地,這得經過一
     番艱苦的自我學習過程,才能真正登堂入室。(客語詩的發展軌跡/陳寧貴)

問、老師您覺得要怎樣才算客語作品?
  答:當台語﹝河洛語﹞作家感嘆作品面臨讀者少發表園地窄之困時,客語作品
     的處境就更艱苦了,若非具有真正客家硬頸精神,直接用客語思考書寫者,
     可能在前進無援中難以為繼。參與幾次客語創作座談,都有人提出寫客家
     事未必要用客語書寫,這看法使得直接客語書寫的前途更是弔詭。
         被譽為千面寫手,猶如燦亮新星的傑出客籍作家甘耀明認為:『使用
     客語創作,是台灣本土化趨勢,我認為使用客語是雙面刃,用的好會產生
     新元素,但也可能產生新隔閡,無論如何還是值得嘗試,使用客語創作是
     一件好事。』『使用客語,我會有取捨,不過我的創作不是整篇小說都用
    客語,而是在某些段落放入客語,且我要說明我的小說不是只寫給客家人
    看,因此若用「客家小說」來稱呼太狹隘了,稱「小說」才好。』
        甘耀明的說法,或已形成客籍作家的主流共識。這也可能招致:「客籍
    作家的客家意識提昇了,但客語意識卻還尚薄弱」的批評。客語在現今台灣
    瀕臨消失的焦慮中,教育客家人能夠使用客語思考寫作,絕對是最根本最徹
    底的解救之道;當客語作品吸納了強大客語能量後,勢必產生原汁原味的精
    采動人之作,屆時客語作品不用去追逐市場,市場自然會來追逐。舉近年來
    客籍女詩人江嵐的表現,她以旺盛的創作力,純熟而優秀的客語作品,闖蕩
    台灣文壇,去年以客語作品參賽,還獲得南瀛文學獎的首獎。可見客籍作家
    只要能夠堅定的不斷地寫出好的客語作品,終究會受到越來越多有識之士的
    認同;所謂看不懂母語作品只是一種假說,母語作家未激發讀者的閱讀熱情
    才是真正的主因。君不見有不少中學生,在哈利波特中文本尚未發行前就直
    接買英文本閱讀,即使有些看不懂他們也會設法看懂。(台灣客語詩展)
    我在「政治現實決定台灣語文趨勢」這麼寫的:
   客家文學最嚴格的界定,在內容上要描寫客家族群的人事物,在形式上要
    運用客語書寫,比較寬鬆的界定是,用其他語言書寫也算客家文學;但這樣
    的看法容易遭受質疑,像賽珍珠描寫中國農村的名著『大地』,難道是中國
    文學嗎?」

問、您覺得客語文學該如何提倡?
  答:客語詩正在發展中,未來將走向何方,我想起客籍大老作家鍾肇政說的這段話:「追求從各母語的文字化,繼而精緻化,成了無可遏止之勢,運用母語從事文學創作,當在可預見的時日裏大量出現,為我們的台灣文學增添無數光彩。 」當然啦,有創作者也必須有廣大閱讀者,如果鮮少人能看懂母語文字,一切母語創作豈非枉然?因此執政當局一方面要輔助母語文字書寫的統一,另一方面要重視加強學校母語教育,使得新生代對母語的聽說讀寫無礙,母語文學的創作發展也才能後繼有人生生不息。
(客語詩的發展軌跡  /  陳寧貴p3

問、老師談談您客語詩的創作理念?
  答:語言必須有文字,才有根,才不會失傳;平埔族文化消失殆盡,原住民文
      化,剩下耆老會說而沒文字,客家文化若沒有文字記錄流傳,很快會步著
     這兩種文化後塵,年輕一輩的人不知失去文化的悲情;
     掌門詩學主編陳秋白曾在編輯筆記「母語的思索」文中指出:
      著名波蘭詩人契斯洛˙米洛虛〈Czeslaw Milosz1980年諾貝爾文學獎得獎人〉在題名為
      My faithful Mother Tongue〈我忠實的母語〉一詩中的句子:
      But without you, who am I  ? 〈毋過若無你,我算啥?〉(河洛語)
     客家語就是(係無你,我係麼人哪?)
     這樣說還是很抽象,我這樣說,年輕父母親喜歡帶小孩去體驗老街,當你
     的文化消失了,你還有客家老街嗎?你只有很內疚的告訴小孩,爸爸是不
     會講客家話的客家人,真糟糕!
         還有非常重要,客語教學,敎小朋友寫一行詩再進入兩行詩,再互相
     觀摩,這個方法持之以恆,小朋友會講了又會寫。

問、我常聽「詩的質感不錯」,請您談談創作手法。
  答:好作品必求其深廣度,創作手法不過是順應作品深廣度而衍生。目前寫客
      語詩的作家都經過華語詩的階段,可見寫華語詩、客語詩的創作手法是一
      樣的,只是客語詩,多了一個客家用字的推敲。

問、老師請談談您的客語詩的描寫角度?
  答:描寫別人疏忽或未見的切入點,化腐朽為神奇,題材廣範點。我在
     「發夢還佇田坵挲草」,客家婦女與小孩的角色輪流出現,母親工作一整
      天,小孩玩得一整身汗,母親的角色,工作、家事那是天生的使命,小孩
      嘻鬧玩耍,吃過晚飯小孩在禾埕繼續嘻鬧,但是母親已在禾埕涼風中睡著
      了,「這時節介阿姆,會毋會發夢,夢到自家還佇田坵挲草」,你看這就
     是客家婦女,累了睡一覺,然後看著小孩長大。

問、老師您在最近三年完成的歷史詩中,(1)「面對---碎裂之
     戰」(2) 「面對---天光日」(3「面對---臨暗」,這三首
     客語詩,為何都用「面對---」可有什麼意涵?
  答:臺灣這個島,平埔族、原住民在此,可是幾乎是無政府狀態,林道乾海盜
      騷擾,只想搶用物資,平埔族人抵抗,卻死傷慘重所以我用「面 對---
      碎裂之戰」;客家族群來此,經營家園,朱一貴事件,紛擾了客家社區,
      於是起來保衛家園,而且成功了,所以我用「面對---天光日」,但是接 
     下來,清政府又將之割讓給日本,六堆客家族群又得抵抗日本國家武力的
     接收,客家族群幾近覆沒,所以我用「面對---臨暗」。

問、老師請您談談在您詩中的故鄉?
  答:由傳統到現代,懷舊不黏舊,立足傳統放眼現代和未來。
      「我寫客家詩最大的回饋,就像在外面遊蕩久了,回到家裡的那種感覺
       -----感覺回到心靈的故鄉。」我雖很懷念故鄉的事物,但其實我還是希
     望故鄉的鄉親富足快樂。

問、老師請您談談您的哲學觀?
   答:人生短暫,秉燭持續創作,為所愛不計代價奉獻;人生必朽、無常;我
      可替我族群奉獻多少心力,得趁這有生之年盡可能的做,民國77年鍾肇政
     等前輩的「還我母語運動」,交棒到我們手上,我們盡可能的完美,並且
     往下交棒。

問、老師請您談談六堆的過去現在未來?
    答:六堆的過去,在我的「面對---天光日」、「面對---臨暗」,還有很
        六堆作家描述的早期六堆胼手胝足經營家園,那種韌性,在在都讓人刻
        骨銘心;所以我說,發展六堆的特色,被他族群人看見、驚豔!否則六
        堆僅剩歷史名詞;現在官方也在積極推動文創產業,必須很有作為,很
        有效率的,且不分黨派的來推動六堆文化的、農業的,再包裝行銷才好。

問、老師談談如何深度建構六堆圖像及生動敘寫客家故事?
    答:教育好新生代,新生代以客家人為榮,六堆才能風光長存;客委會
        投入大量的人力、物力,可說是「雷厲風行」推動「四海大平安」,
        各客家語族的原魂,是令人感動的;小學的母語教師,各語族的薪傳師,
        也隨著客委會的腳步,推動母語的傳承,客家語表達無礙,自有令人驚
        豔的創作出現。

問、老師談談您文學創作刻苦奮鬥的過程?
    答:我ㄧ直充滿興趣與熱情於文學的寫作,父母親給我無慮的自由發展生涯,
        因此無所謂刻苦奮鬥,寫作的過程對我來說猶如在大海衝浪是件刺激愉悅的事!

問、老師請您談談您的文學主要成就?
     答:持續創作,不想成就,只問耕耘,不問收穫;我在前面介紹了我的寫作歷程,83年開始客語詩的寫作,寫作生涯沒有停過,我企圖探索攀登一座座異樣的文學山頭。

                   陳老師謝謝你花了你太多時間,謝謝!


                 ●     
這是我近年來
寫的比較
有意義的三首客家詩
 面對 --碎裂之戰
暗到同墨水共樣
我等蓋像佇墨水肚
恬恬緊泅

一隻一隻介猴仔、鳥仔
一頭一頭介樹仔
全部都睡落覺
連透氣聲也聽無到

我等輕手輕腳
慢慢慢慢摸到
中國海盜林道乾賊營前
囥佇榮榮樹叢
這時節,恨意
既經驚濤駭浪
湧入心肝底肚

我等正愛摸入賊營
無愐到該兜賊仔
蓋早得到攻擊消息

一大陣銃聲
打破分黑玻璃
蒙等介恬靜山林
黑玻璃突然 
~ 開 ~ 四 ~ 散 ~
銃子像恁毒虎頭蜂穿入我等介
頭那
胸脯
肚司
手腳

我等介圓身
還赴毋到來喊痛
血,就火山爆發樣
噴到歸山林

日頭一出來
分人看到台灣
處處黏等血紅介歷史

 附記
1563年中國海盜林道乾,躲避朝廷
追緝,率數百賊眾,隱遁來台。
他們任意劫虐打狗山西拉雅瑪卡道
平埔族人,卡道族人憤怒至極,
商議多時,某夜,全體男女出動
進行反擊--

一次又一次,面對,血淚滂沱的台灣史;
也一次又一次,面對,立場光怪陸離,
思想魑魅魍魎的我們自己!



-----------------------------------
1721年南台灣六堆保衛戰
1895年 南台灣六堆保衛戰
----------------------------
1721年南台灣六堆保衛戰
面對-----天光日  / 陳寧貴
1.    
清康熙六十年(西元1721年)
得人驚消息
比箭仔還較遽較利
直直射入客家庄人心肝頭

聽講朱一貴部隊
蓋像一大片烏雲
烏天暗地
緊飄向下淡水溪

這愛仰般正好?
逐儕在問:
客家族群對唐山
拼命渡過會食人烏水溝到台灣
台南安平上陸後
根本就尋毋到著腳所在
千辛萬苦南下
來到屛東竹田濫濫庄開基
用血汗同泥漿作戰百過年
正用銅皮鐵骨建立起家園
現下朱一貴等就愛入侵
這愛仰般正好?
---愛仰般正好?
2.

客家庄一下間
就慌慌跌落
分人掛吊險惡大風大浪底肚
客家大老也惶惶趕遽相邀
內埔媽祖廟集合開會

黏時決定
十三大庄六十四小庄
成立六隊﹝堆﹞鄉團
中堆﹝竹田鄉﹞、先鋒隊﹝萬巒﹞
後堆﹝內埔鄉﹞、前堆﹝麟洛、長治﹞
左堆﹝佳冬、新埤﹞、右堆﹝美濃、高樹﹞
特別選出盡得人望个大總理李直三帶頭

這時節
發出晴天霹靂號召
硬頸熱血客家好漢
蓋像大海湧
對四面八方湧來
組織成一萬三千零儕雄獅大軍

共下用雷公聲宣誓:
我等客家家園同客家命脈,
我等定著會再用銅皮鐵骨保護等!
3.

客家軍在下淡水溪平原
用肉身築起鐵樣堤防
擋等像土石流沖來敵軍
分六堆客家庄
每一吋土地
每一粒禾榖
都無半息著傷

後來
1732年吳福生事件
1786年林爽文事件
1895年抗日事件
六堆子弟英勇出堆保護家園故事
像恁烈日頭
永遠照耀在世人心肝底肚

不時愐起
頭擺該恁紅鮮血
流在客家家園
一點一滴
蓋像忠義種籽
在六堆大地發芽
既經開出盡靚
台灣之花


1895年 南台灣六堆保衛戰
● 陳寧貴
面對---臨暗
---1895六堆保衛戰
大風如弓,
暴雨像箭,
也不能射傷我等!
霹靂震天,
雷霆萬鈞,
也不能分我等變成
著驚縮翼介
大地飛鷹!

●1895六堆保衛戰

1895年11月11日
日本乃木中將艦隊
像震天撼地雪亮之劍
刺入南台灣
日軍耀武揚威
對枋寮登陸後逼近下六根﹝今佳冬﹞
佢等貼出告示----
擎白旗迎皇軍者相安無事
反抗者誅殺至雞犬不留

這時節對台灣北片向南片
一路掃蕩而來日軍
既經逼到高雄屏東一帶
佢等南北夾擊
準備一下手板就收服台灣全島

●西勢---忠義亭
南台灣六堆人民?緊急會議
在熱血中緊滾
主戰同主和暗中拔扯
感性同理性激烈交擊
火花四濺!

直透雲霄聲音
驚天動地響起--
頭可斷!
血可流!
寸土不可失!

對陰暗中遲遲疑疑
驚驚縮縮聲音也響起--
台灣大官人
既經全部遠走高飛
吾等勢單力薄
蓋像係用卵擊石

話一歇
群情像颳起一陣驚人超級颱風
要將這閃閃爍爍
礙眼燭光黏時
吹滅!

眾人尋出發言者
將佢捆綁在桌腳
大聲緊罵--
懦夫!
懦夫!
懦夫!
懦夫!
懦夫!
懦夫!

主和派到尾驚走
無過,這時節族群生死大戰像悶雷
正愛對天邊烏雲中
驚心滾動出來

●下六根---步月樓

日本將軍桑波田目珠
既經跋上頭那頂項
緊愐緊偷謔
這下六根庄民
就愛歡天喜地來迎接
我這粒金鬧鬧?新日頭出現囉

轟!驚天大聲
發夢也無想到
一門古砲對前面衝出
像盡久無發威介雄獅
撲向愛來採收勝利甜果日軍

佢等利爪向四片大力爪去
日軍一著驚
黏時變成天上飛血肉
日軍因為人多勢眾整軍反擊
那門古砲一息也毋驚
共樣煞猛大麻聲緊咆緊哮
到尾實在毋堪高溫
自家爆炸壯烈成仁

這時節下六根義勇軍
既經將自家變成砲彈
向敵人圓身項緊擲﹝jet﹞
血肉蓋像大雨緊落
一下間大地種滿
保村護土紅花
到裡尾因為寡不敵眾
只好向後方撤守----

●長興庄---火燒庄

譴到會死桑波田
來到六堆最尾一塊防守地
也是抗日總指揮
大總理邱鳳揚故居---前堆長興庄

桑波田對屏東運來
烏麻麻蟻公樣仔日軍同大炮
用三面鐵桶包圍方式
腥風血雨猛攻而來

長興庄跌入大火海
邱老總理在飛沙煙硝中
同烹煮人心死亡戰鬥
佢滿面黑污一身都係塵土
作戰中一粒砲彈飛來
一雙手遽遽將佢推﹝sung﹞開
佢同死神擦身而過
毋過用手sung開佢第三介賴仔時節
續中彈倒地

看等到處噴濺
邱老總理既經赴毋及
阻擋湧到心肝悲傷
只好將目汁
趨歸哀痛心頭

這時節緊來緊多砲彈
發癲樣仔飛過來
義勇軍一個一個倒地
戰士到尾存無幾儕
毋過日軍還像破堤大水湧來
將全部長興庄淹忒

唉!長興庄!
我等深愛恁靚土地上
唯有忠義在火肚著到剝剝作響
肉身經過砲彈千焠百煉
昇華成忠義圓身
像一面鮮紅旗仔
在台灣歷史恁冷泥灰肚
熱熱烈烈
昇起
1895年,台灣客家
用竹篙逗菜刀
加上硬頸精神
這時節,我等就準備行過
台灣歷史大風大浪

到裡尾,留下肉身
分台灣大地做肥料
留下英魂,親像山櫻花
飄滿客家鄉土